«Лыдӟиськы, Удмуртия!» вожвылъяськонлы валэктонъёс

Удмурт Дунне
By Удмурт Дунне 21 июля, 2020 09:13
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Викториналы валэктонъёсын трос гожтэтъёс вуизы.
Туспуктӥз Вера Штыкова

1. Удмурт литературалэн историез 1889-тӥ арысен кутске шуыса лыдъяське. Та аре нырысетӥ удмурт кылбур — Г. Верещагинлэн «Чыгыр, чагыр, дыдыке…» — печатламын вал.

2. Революцилэсь (1917-тӥ арлэсь) азьвыл ик ини удмурт кылын 200-лэсь трос книга печатламын вал. Бадӟым люкетэз — ӟуч кылысь удмуртэ берыктэм книгаос, сӥземын осконлы.

3. 1919-тӥ аръёсы «Удмурт стикотворенняёс» нырысетӥ удмурт кылбур антологиез поттӥз (люказ) Т. Борисов.

4. К. Гердлэсь ужъёссэ вылӥ дунъязы быдӟым ӟуч писательёс Максим Горький но Корней Чуковский. Произведениосыз удмурт литератураез гинэ ӧвӧл, дуннеысь литератураез но узырмытӥзы. Но солэн улонысьтыз 13-14 арзэ гинэ печатласькыны луонлыкез вал. К. Герд вордӥськиз 1898-тӥ арын али Вавож ёросысь Большая Докъя (Покчивуко) гуртын. Дышетскиз Вавож школаын. Кема гожъяськыны ӧз кылды, угось 34 аресказ сое арестовать каризы, калыклэн тушмонэз шуыса, нош 1937-тӥ арын ыбизы. Тужгес тодмо луизы «Крезьчи», «Лёгетъёс», «Сяськаяськись музъем» книгаосыз, «Гондыръёс», «Завод» поэмаосыз.

5. Удмуртиысь писательёс пероен гинэ ӧвӧл, штыкен, пыӵалэн дуризы Быдӟым Вормонэз. Быдӟым оже 30 пала писательёс но поэтъёс ветлӥзы. Кылсярысь, Ф. Кед-ров, М. Петров, Н. Байтеряков, М. Лямин, И. Гаврилов, С. Широбоков, А. Оки, Т. Шмаков, Ф. Александров но мукетъёс.

6. Горд Знамя орденэн пусъемын нырысетӥ удмурт нылкышно кылбурчи Лина Векшина (А. Оки). Наградной листаз тазьы гожтэмын: «Тужгес секыт интыосын ужаса, со ассэ туж визьмо, ужез радъяны быгатӥсь врачен возьматӥз, визьмо эмъясь, быдӟым Родинамылэн зэмос гражданинэз. Вань сюлэмзэ сётыса тыршеменыз уно сю сӧсырмемъёслэсь улонзэс утиз…». Л. Векшина вордӥськиз Грак ёросысь Кузебаево гуртын. Войнаысь бертэмез бере Алнаш ёрос больницаын ужаз.

7. Вордӥськем шаерзэс яратэмзы сярысь гожъ­язы тросэз кылбурчиос. Нош «…и для меня бы не было России…» чуръёсты гожтӥз Флор Васильев.

8. Удмуртилэн уйпалысьтыз пичи гинэ гуртын вордӥськем но быдэс Россиын тодмо луэм кылбурчи, Москваын потэм 7 книгаослэн авторзы, Удмуртилэн дано гражданинэз — Олег Поскрёбышев. Со Кез ёросысь Бани гуртын вордӥськемын, «Страда» но «Матица» книгаосыз Удмуртилэн Кун премиеныз дунъямын.

9. Удмурт кылын чеберлыко литература печатлаське «Кенеш» журналын, нош рес­публикаысьтымы ӟуч кылын гожъяськись писательёслэн изданизы — «Луч» журнал.

10. «Удмуртиысь калык писатель» яке «Удмуртиысь калык поэт» нимзы вань таӵе гожъясьёслэн: Т. Архипов, В. Ар-Серги, Н. Байтеряков, В. Ванюшев, А. Демьянов, В. Емельянов, Е. Загребин,
А. Леонтьев, К. Ломагин, М. Лямин, Г. Перевощиков, О. Пос­крёбышев, С. Самсонов, Г. Ходырев, П. Чернов, С. Широбоков, А. Шкляев.

11. Таяз юанын верано вал, Удмуртиысь кыӵе туала писательёсты, кылбурчиосты тодӥськоды, кыӵе произведенизэс берло лыдӟиды. Валэктонъёсты лыдӟыны тужгес тунсыко вал. Угось соку ик адӟиськиз: вуо-а туа­ла книгаос лыдӟись доры, басьтӥськоды-а тӥ удмурт газет-журналъёсты. Соин куд-ог мылкыдъёстэс газетэ сётоно карим (учке 15-тӥ бамез).

12. «Удмурт дунне» газетлэн архивысьтыз туспуктэм вылысь кылбурчиосты Д. Яшинэз но Г. Сабитовез уноез тодмазы.

13. Пичи текстэ ватэмын вал 17 авторлэн произведениез (Г. Красильников, Е. Загребин, В. Ившин, Л. Нянькина, Ф. Кедров, Л. Кутянова, П. Захаров, Р. Лаптева, С. Самсонов, У. Бадретдинов, Г. Перевощиков, С. Матвеев, Г. Романова, Ф. Пукроков, Г. Красильников, Е. Миннигараева, П. Чернов). Но куд-огез солэсь трос произведениосты шедьтэм! Кылсярысь, Ува ёросысь Выль Мултан гуртысь Елена Афанасьева — 20, Балезино ёросысь Вӧёгуртысь Надежда Корепанова — 24. Но тужгес паймытӥзы Пичи Пурга ёросысь Гожня гуртысь Герасимовъёс. Дэмлам текстысь соос 30 удмурт произведение шедьтӥллям!

Викториналэн ӟуч вариантаз вераськон мынӥз на Удмуртиысь калык писатель В. Емельянов сярысь. Со сяна, одӥгез юан сӥземын вал В. Болтышевлы. Ӵапак сое критикъёс ӵошатылӥзы А. Чеховен, И. Бунинэн, Ф. Достоевскиен, В. Шукшинэн… Эшшо тунсыко юан вал Граховоысь потэм но Россиын тодмо луэм писатель-фантаст Л. Кудрявцев сярысь. Солэн 50-лэсь трос книгаосыз Россиысь тодмо издательство­осын печатласькизы. Паськыт вӧлмизы трансформеръёс
сярысь гожъямъёсыз.

Удмурт Дунне
By Удмурт Дунне 21 июля, 2020 09:13
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<