Кытын клубъёс выльдӥськозы?

Удмурт Дунне
By Удмурт Дунне 7 июля, 2020 15:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмуртиысь культураез азинтонлы но культурая учреждениосты выльдонлы туэ 862 миллион 200 сюрс манет висъямын.

Туэ «Пичи Дорлэн лулчеберетэз» проектэз улсын 24 юртэз тупатъяны чакламын, 11-аз ужъёс йылпумъямын ини.
Туспуктэм: udmurt.ru

«Культура» нацпроект улсын элькунамы кӧня ке проектъёс улонэ пыӵало. Соос сярысь вераз культурая министр Владимир Соловьёв. «Культурная среда» федерал проектъя туэ 3 культурая юрт пуктэмын луоз Алнаш ёросысь Асангуртын, Сьӧлта ёросысь Кӧпкиын но Яр ёросысь Биграгуртын. Рос-прос выльдозы Дэри ёросысь Совхознойысь, Кез ёросысь Кулигаысь, Сарапул ёросысь Шевыряловоысь культурая юртъёсты. Май толэзе капитальной ремонт бере усьтӥськиз ини Ува ёросысь Ува-Тукляысь клуб. Оглом та проектъя висъямын 66 миллион 500 сюрс манет. Ватсаса вуиз на 45 миллион 600 сюрс манет — та уксёен искусствоосъя 6 нылпи школае но Крезьгуръя элькун колледже крезьгуро инструментъёс, учебникъёс но оборудование басьтэмын луоз.

Азинске «Огъя Россия» партилэн «Пичи Дорлэн лулчеберетэз» проектэз но. Со улсын гуртъёсысь клубъёс выльдӥсько, оборудование басьтӥське. Туэ 24 юртэз тупатъяны чакламын, 11-аз ужъёс йылпумъямын ини.

Клубъёстэк улӥсьёслы но туэ шулдыргес луоз — шаерамы кылдозы 8 выль автоклубъёс. Соос Балезино, Вотка, Глазов, Дэри, Эгра, Можга, Сарапул, Ува ёросъёсын ширъялозы.

Со сяна, «Огъя Россия» партилэн проектэз улсын 18 миллион 600 манет висъямын Сарапулысь, Глазовысь театръёслы но Ижысь Мунё театрлы.

Удмуртилэн Тӧроез Александр Бречалов верамъя, кылем арысен культурая учреждениослы тросгес саклык висъяськыны ӧдъяз.

— Удмуртиез котыръякум, калыкен ӵемысь пумиськылӥмы культурая юртъёсын. Ужмы трос на: тросэз юртъёс кӧшкемытэсь. Милям эшшо тросгес лэсьтэммы луэ на калык понна.

А. Бречалов ӵектӥз на Якшур-Бӧдья ёросысь Тыло гуртысь (Старые Зятцы) культурая юртэз выльдыны, со туэ выльдоно объектъёс пӧлы пыртэмын ӧй вал ке но.

Сергей Захаров

Удмурт Дунне
By Удмурт Дунне 7 июля, 2020 15:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<