Коронавирусэн йырин секыт югдуре шедем муртъёслы юрттэт азинске

Удмурт Дунне
By Удмурт Дунне 23 июля, 2020 14:50

Волонтёръёс кулэ дыръя аптекае, лавкае вузлы ветло, больницае келяны-вайыны юртто.
Туспуктэм: «ВКонтактеысь» «Добрые дела» группаысь

Коронавирусэн валче кылдэм югдур каллен тупатске ке но, юрттэтлы кулэяськись муртъёс али но вань.

Апрель-май ӵоже зол ужаз «Огъя Россия» партилэн «ПоддЕРжка» проектэз. Со чотын ёрмисьёслы люкылэмын вал ог 50 тонна сиён-юон.
«ПоддЕРжка» проектын толэзьлэсь кема тыршизы 120-лэсь ятыр волонтёръёс но. Соослэн ужзы туж ӝег вал. Уго юрттэт возьмасьёс трос вазиськизы, соин проектлэн «пӧсь» телефонэз ӟырдаса улӥз.
Волонтёръёс адямиослэсь куронъёссэс но гожъязы, асьсэос ик заказъёсты бичаны юрттӥзы. Мукет эшъёссы сиён-юонэн коробкаосты адямиос доры вуттылӥзы.

Вераны кулэ: та проектлы коньдон висъязы вань мылкыд карисьёс: чиновникъёс, депутатъёс, ужбергатӥсьёс но мукетъёсыз.

— «Пӧсь» телефонмы али но чалмыт уг улы, — шуэ «ПоддЕРжка» проектлэн колл-центреныз кивалтӥсь Денис Болотников. — Вазиськисьёс луо ке, соослэсь куронзэс одно ик гожтыса кельтӥськом. Собере со иворез лэзиськом Калыклы улон-вылонын утёнъя но ужъя министерствое. Татысь специалистъёс рос-прос чаклало: зэм ик-а адями юрттэтлы кулэяське, мар карыны луоно солэсь югдурзэ тупатон понна.

Озьы ик секыт учыре шедем адямиос сярысь ивор вуэ улон интызыя — ёрос администрацие. Татын ужасьёс но юрттэт висъяны быгато.
Али «ПоддЕРжка» проектысь волонтёръёс кусып возё «МыВместе» акциысь егитъёсын. Ӵошен соос быдэсъяло 65 ареслэсь мӧйы муртъёслы но сӧсыръёслы. Кулэ дыръя аптекае, лавкае вузлы ветло, больницае келяны-вайыны юртто.

Елена Скворцова

Удмурт Дунне
By Удмурт Дунне 23 июля, 2020 14:50
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<