«Кинолето» акция пиналъёс 24 фильм учкозы

Удмурт Дунне
By Удмурт Дунне 9 июля, 2020 14:05

«Культура для школьников» проект улсын Россиысь Просвещениея но Культурая министерствоос радъяло «Кинолето» акция.

Со юрттоз пиналъёс лы гужем каникулзэс пайдаен ортчытыны. Нылпиос дышетӥсьёсынызы, анай-атайёсынызы ӵош арнялы быдэ кино учкозы. Программаын — 24 фильм. Пӧлазы совето вакытысь тодмо киноос: «Королевство кривых зеркал», «Чучело», «Тот самый Мюнхгаузен» — но туала фильмъёс: «Легенда №17», «Движение вверх» но мукетъёсыз.

Со сяна, культура, спорт, искусство удысъёсысь тодмо муртъёс — Владимир Машков, Сергей Жигунов, Светлана Хоркина но мукетъёсыз — школьникъёслы видео пыр вералозы Россиысь кино сярысь.

— Нылпиос тодматскозы Россиысь кинолэн историеныз, адӟем фильмъёс сярысь малпаськыны но мылкыдзэс шара вераны дышетскозы, — валэктӥз Россиысь культурая министрлэн воштӥсез Ольга Ярилова.

Та акция понна «Союзмультфильм» студия дасяз методической пособиос: соос юрттозы анай-атайёслы, детдомъёсысь но интернатъёсысь дышетӥсьёслы кино сярысь валамон кылын вераськыны. Материалъёсты шедьтыны луэ roskultproekt.ru вотэс бамысь. Акция вожвылъяськонэн йылпумъяськоз: пиналъёслы рецензия гожтыны ӵектозы.

Анастасия Шумилова

Удмурт Дунне
By Удмурт Дунне 9 июля, 2020 14:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<