Кизилиос верало: 13-тӥ — 19-тӥ пӧсьтолэзь

Удмурт Дунне
By Удмурт Дунне 12 июля, 2020 17:58
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Така.

Арнялэн кутсконаз вань мытэм ужъёсты капчиен быдэсмозы. Ӟеч тыршемды понна уксё но басьтоды. Арня пумын но трос ужано луоз, кинэ ке кузь сюрес вите, кинэ ке — выль тодматсконъёс. Шутэтскон нуналъёстэс радъян сярысь азьлапал ик малпаське, кинэ куное ӧтёно, нош кинлэсь палэнсконо шуыса.

Ош.

Арняды кемалы вунонтэм кылёз. Азьвыл мытэм ужъёстэс йылаз-пумаз вуттоды, выль удыс борды но дӥсьтыса басьтӥськемды луоз. Малпамтэ шорысь палэнысь коньдон шедёз, басьтэм бадӟым арбериды кема шумпоттоз. Шутэтскон нуналъёстэс семьяеныды ортчытэ.

Кыктоос.

Арня кутсконын ик чыры-пыры сюлмаськонъёс шедёзы, семьяяды куд-ог валамтэос кылдозы. Дырызлэсь вазь эн керӟегъяське, ваньмыз ас понназ радъяськоз. Арня пумын ӟеч иворъёс витё, эшъёстэс пумиталоды. Шутэтскон нуналъёстэс инкуазьын ортчытэ.

Кисло-кусло.

Шутэтске, ганяк кариське, нокытчы дыртытэк но, вань ужъёсты капчиен радъяськозы. Кинэ ке уж дораз вылӥе ӝутозы, кин ке кузь сюрес вылэ потоз, нош кин ке ватсаса уждун басьтоз. Ужъёсты ӟеч мыныку, тросгес саклык висъялэ юрт котырады утялтӥськонлы, бакчаяды берганлы.

Лев.

Ужан арняды секытэн кутскоз, керетӥсьёс, мылкыддэс куашкатӥсьёс шедёзы. Ваменэс сямды вань, со ик люкетэ азьлань капчиен вамыштыны. Арня пумын вуж тодмоостэс пумиталоды, егит дырдэс тодады ваёды. Кудӟытӥсьсэ эн юэ — тазалыкты вылын шӧдӥськоз.

Нылмурт.

Арняды огыр-бугыр ортчоз. Кыкез понна ужано луоз, дыртэменыды куд-ог чыры-пыры янгышъёсты кылдозы но, асьтэос ик соосты тупатоно луоды. Арня пумын ваньмыз радъяськоз, ужамдэс синйылтозы но, тросгес уждун басьтоды. Шутэтскон нуналъёсы куноос вуозы, туж шулдыр луоз.

Весъёс.

Арня кутсконын котькытчы вуттӥськоно луоз. Коньдонэн, дуно документъёсын выроды, матысь ӵыжы-выжыосты понна кыл кутоды. Таиз ласянь адӟем каре кивалтӥсьёстылэсь. Сюлмаськонъёс трос ке но, нокытчы эн дыртэ. Каньылля вамыштыса но, котькытчы вуоды.

Скорпион.

Арнядэс кызьы мытоды, озьы ик ортчытоды. Сакгес кариське, утиське янгыш лэсьтонъёслэсь. Электроприборъёсын ужаны кутскемдылэсь азьло ваньзэ пыр-поч эскере, сюрес вамен чакласькыса выже. Бадӟым арбериос басьтонлэсь возиське, коньдондэс ӧжытак шыръяно луоз.

Ыбылӥськись.

Быдэс арнядэс кужмо ужаны дасяське. Вакчи дыр куспын пӧртэм интыосы ветлоно луоз, трос адямиосын пумиськылоды. Со борды ватсаськоз на дорысь уж, сылалтӥськон, варення-компотъёс пӧзьтон. Утелэ тазалыктэс, дыртытэк но ваньзэ лэсьтоды.

Сюро кеч.

Арня кутсконын ик котькытчы вуттӥськоно луоз. Выль тодмоосты уждэс капчиенгес радъяны юрттозы. Ӵапак дырыз азьвыл мытэм ужъ-ёстэс йылаз-пумаз вуттыны, нош арня пумын — шутэтскыны. Семья куспады керетонъёс потыны быгатозы — чидасьгес кариське.

Ву кисьтась.

Кызьы ужалоды, озьы ик шутэтскоды. Супыльтыны, калыклэсь мылкыдзэ куашкатыны яратӥськоды. Тросгес дорады пуке — калыклэсь но мылкыдзэ уд куашкатэ, асьтэлэсь но тазалыктэс утёды. Арня пумын шумпоттӥсь иворъёс кылоды, малпамтэ шорысь кузьымъёс басьтоды.

Чорыгъёс.

Арняды ӝог ортчоз. Одӥг уждэс йылпумъяса уд вуттэ — мукетыз шедёз. Макем тросгес ужалоды, сокем узыргес луоды. Тодмо адямиосын пумиськылоды, нош кинлы ке соосын ӵош сюрес вылэ потоно луоз. Арня пумын семьяяды ӧжытгес зуле — керетонъёс поттозы.

Удмурт Дунне
By Удмурт Дунне 12 июля, 2020 17:58 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<