Квартираос кузёоссэс возьмало

Удмурт Дунне
By Удмурт Дунне 8 июля, 2020 16:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

8-тӥ пӧсьтолэзе Ижысь Киров нимо паркын йылпумъянъёс лэсьтӥзы Удмуртилэн кунлыкезлы 100 ар тырмонлы сӥзем викториналы.

Ирина Ранчугова 28-тӥ июне утӥз «Лада Веста» автомобиль
Туспуктӥз Виктория Крамова

Ужрадэ вуиз Ирина Ранчугова но — Ижысь кышномурт 28-тӥ июне утӥз «Лада Веста» автомобиль. Выль машиналэсь усьтонзэ кышномуртлы сётӥз Иж город администрацилэн йырызлэн воштӥсез Дмитрий Чистяков. Со шумпотэмзэ вераз, вормисе дано нылкышно потӥз шуыса — Ирина Ивановна нылпи садын дышетӥсь-логопед луыса ужа. Кышномуртлэн аслаз правоосыз ӧвӧл ке но, уг ӝожомы: табере картэз сое выль машинаен ворттылытоз.

— Викторинае пыриськи но вунэтӥ со сярысь. Ужысь эшъёсы билетэлэсь номерзэ эскерыны ӵектӥзы: меӵак эфирын йылпумъянъёс, пе, лэсьто. Мон, доре бертыса, билетме учки но нырысь ӧй оскы. Туж шумпотэмын быдэс семьямы. Тау шуысал со волонтёрлы, кин мынэсьтым билетме мукетъёсыз пӧлысь кыскиз, — шуэ Ирина Ивановна.

Ачиз И. Ранчугова но вормисьёсты шараяны юрттӥз — меӵак эфирын бадӟым шарысь билетъёсты поттӥз. Озьы эшшо 6 вормись тодмо луиз. 2-ез соос пӧлысь (525826 но 679984 номеръёсын билетъёслэн кузёоссы) Ижын квартира утӥзы. Мукетъёсызлы люкылӥзы планшетъёс, мотоблок но стиральной машина.

Вань вормисьёсты тодыны луэ удмуртия100.рф вотэс бамысь. Оло, лыдӟисьёсмы пӧлын но шудо пуйыос вань — билеттэс эскерыны эн вунэтэ.

Виктория Крамова

Удмурт Дунне
By Удмурт Дунне 8 июля, 2020 16:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<