Йӧло скаллэн даурез вакчи

Удмурт Дунне
By Удмурт Дунне 14 июля, 2020 10:15

Шаерысьтымы хозяйствоосын кылем арын гинэ уй-нунал куспын ог 18 килограмм йӧл кыскылӥзы. Табере 20 килограммлэсь ятыр басьто. Вотка ёросысь «Мир», Шаркан ёросысь «Кипун» хозяйствоосын скаллы быдэ ог 40 килограмм йӧл басьто. Маин пудоез сюдыны, кызьы сое утялтыны кулэ сомында йӧл кыскон понна?

Геннадий Парфёнов. Кияса ёрос

Гуртын ӵемысь скалзэс пастукысь гидэ пырто, азяз сиён кушто но йӧлзэ кыскыны пуксё. Пудо оло сиён сярысь, оло йӧл сётон сярысь малпаськоз.
Туспуктэм: udmurt.ru

Гурт удысъя но сиён-юонъя министерство ивортэмъя, шаерысьтымы хозяйствоосын уй-нунал куспын шорлыдын али ог 20 килограмм йӧл кыско. Таӵеез ӧй вал на. Кылем арын Шаркан ёросысь Николай Собин фермерлэн хозяйствояз Авицена нимо скаллэсь 305 нунал куспын 17 сюрс 852 килограмм йӧл басьтӥзы, нуналаз со ог 58 килограмм луэ.

Тросэз потэ сюдон бордысь. Зэм, уно йӧл басьтӥсь хозяйствоослэн сиёнлэсь (рационлэсь) пуштроссэ усьтэмзы уг поты — ог-огенызы вожвылъясько угось. Тани мар вера Шаркан ёросысь «Кипун» хозяйствоысь валтӥсь зоотехник Татьяна Макарова:

— Пудоез гидысь ум поттаське бере, сое пӧртэм пумо сиёнэн сюдыны выриськомы: кыд, шрот, кукуруза, турын, силос, сенаж но мукет. Гуртоослы кыд, сенаж басьтон дуно усёз. Соин ик умой луоз, пудозылы тросгес сётъязы ке посыпка, картошка, кушман, шундыберган. Луонлык вань ке, скалъёсты одно ик пастухе поттано. Возь вылын живот аслыз мар кулэ, сое шедьтэ. Макем тросгес вамышъя, сокем умойгес ужа ӝушез, сюлэмыз, тыосыз, сиемез потэ. Макем уногес сиськоз, сокем тросгес ӟигарыз луоз, сокем уногес йӧл сётоз. Милям скалъёсмы азьысь сиёнзы уен-нуналэн уг бырылы, ялан сыскиськыны мед быгатозы шуыса.

Гуртын ӵемысь скалзэс пастукысь гидэ пырто, азяз сиён кушто но йӧлзэ кыскыны пуксё. Пудо оло сиён сярысь, оло йӧл сётон сярысь малпаськоз. Сыӵе дыръя солэн йырыз сураське, созэ но, тазэ но умой уг лэсьты ни. Соин ик пудоез нырысь рос-прос сюдоно. Собере гинэ кысконо. Нунал ӵоже 3 пол кыскыса умойгес. Ми кылем арын кунян ваем скалъёсмес озьы кыскыны ӧдъямы. Нырысь-валысь животъёс куалектэм кадь луизы. Но дышемзы бере йӧл нуналысь нуналэ тросгес сётыны кутскизы. Кылсярысь, 2018-тӥ арын скаллы быдэ ог 8 сюрс килограмм йӧл басьтӥськомы вал ке, 2019-тӥ арын 10 сюрсэз ортчимы. Туэ лыдпусъёс эшшо будӥзы. Али котькуд скаллэсь нуналаз шорлыдын ог 34 килограмм йӧл басьтӥськомы. Дояркаосмы ӵукна 6 часысен уйин 2 часозь ужало. Соин ик тросгес йӧл басьтэмды но уногес коньдон поттэмды потэ ке, кунян ваемез бере скалдэс нуналаз 3 пол кыскыны кутске, эн азьтэмъяське. Зэм, 23-30 килограммлэсь уно йӧл сётӥсь скаллы сокем синмаськоно ӧвӧл. Нуналаз 8-15 литр йӧл сётӥсь скал ог 10 ар но улоз, йӧл ялан сётоз. Нош милям скалъёсмы 3-4 ар уло но, соосты вандоно луиськомы — лябӟо. Милям угось йӧл поттон завод. Пудоез выльдон сярысь ялан сюлмаськоно. Йӧло скаллэн тазалыкез лябгес луэ, лыосыз начар кылё, йӧлын валче мугорысьтыз кальциез ялан гылтӥськемен. Соин ик йӧло скалъёслы сиёназы но одно ик кальций, глюкоза, железо тыроно. 1-2 скалэз вордыны капчигес: йӧлзы ӧжыт ке но, ческытгес, пудо но тазагес.

Татьяна Николаевна пусъемъя, «Кипун» хозяйствоын трос йӧло выжыысь скалъёс Германиысь ваемын вал. Табере соослэсь басьтэм кунянъёс скал луизы ни. Бызьылыто соосты Америкаысь ваем кидысэн. Асьме кидыс начаргес, шуэ. Али ог 93 процентэз скалъёссы голштинской выжыысь луэмын ни. Шаерысьтымы племенной предприятиосын но скалъёс ӟечесь. Соос но трос йӧл сётыны кутско ни. Зэм, 1 скал ог 100 сюрс манет сылэ. Фермеръёслы пудо уллёзэс выльдыны субсидия висъяське.

Удмурт Дунне
By Удмурт Дунне 14 июля, 2020 10:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<