Историез тодӥсьлы кузьым

Related Articles

• Кун Думаысь комитет ужалоз Ижын 0 12.Фев
• 5, 4, 3, 2, 1, азьлань! 0 12.Апр
• Финалэ потӥз 0 15.Май

25-тӥ июньысен 1-тӥ июлёзь быръёнъя участокъёсын ортчиз Удмуртилэн кунлыкезлы 100 ар тырмонлы сӥзем викторина.

Викториналы юанъёсын бланкъёсты сётъязы ужан интыосын но куара сётонъя участокъёсын. 3 юанлы валэктон пусйыса, адями кузьым утыны быгатӥз.

Выль смартфон утӥз Шаркан ёросысь Гондырвай гуртысь Надежда Едыгарова.

— Куара сётыны нырысетӥ нуналаз ик мынӥ — 25-тӥ июне. Турнаны мынон сямен быръёнъя участоке кожимы. Туж шумпотӥсько кузьымлы. Та дырозь телефонэ туж огшоры, кнопкаен гинэ, вал. Гуртамы Интернетмы вань, табере выль телефонэн ужаны дышоно на, — шумпотэ Надежда.

Таӵе ик смартфон утӥз Пичи Пурга ёросысь Кечол черкогуртысь Людмила Дядькина.

— «ВКонтактее» пыри но билет номерме адӟи. «Ваньзэ ӟечсэ — нылпиослы» шуыса улӥсько. Ӵапак 5-тӥ июле пиелы 19 арес тырме. Соин та кузьымез солы сёто! — вераз Людмила.

________

Елена Скворцова