Ижысь Октябрьлы 10 ар урам но Буммаш микрорайон вискысь нюлэслы ним утчало

Удмурт Дунне
By Удмурт Дунне 23 июля, 2020 13:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Туэ гужем та сик тазатэмын вал. Субботникъёсы поталлязы тэль котырын улӥсьёс, студентъёс, 8 номеро ЖРП-ысь, энергетикая предприятиосысь, Сбербанкысь ужасьёс.

Нюлэскысь ог 20 тонна жуг-жаг поттэмын.
Туспуктэм: izhlife.ru

Соослэн тыршеменызы, нюлэскысь ог 20 тонна жуг-жаг поттэмын. Со сяна, 40 кубометр пограм писпуос, кӧс улвайёс люкамын, соослэсь пилапызь лэсьтэмын. Ижкарлэн нуналаз сикын мугорез кыдатон сюрес усьтӥськиз. Табере отӥ скандинав амалэн ветло, бызьыло, велосипедэн ворттыло. Иж город Думаысь депутатъёслэн мылкыдзы вань сюресэз югдытыны, нюлэскын пуныосын поръяны чаклам площадка усьтыны.

Нюлэслэн йӧнала нимыз ӧвӧл — сое кин кызьы нима. Таин валче вожвылъяськон ялэмын. Конкурсэ пыриськон понна 15-тӥ августозь nazvaniye.lesa@mail.ru электрон почтае сиклы тупась ним лэзёно. Пыриськисьёслы пусъёно на нимтулзэс но телефон номерзэс. 15-тӥ августэ ӵектэм нимъёс пӧлысь устоосыз вотэсэ поттэмын луозы, куара сётон радъяськоз. Нюлэслы ним быръёзы, нош нимлэн авторез кузьымен пусъемын луоз.

Виктория Крамова

Удмурт Дунне
By Удмурт Дунне 23 июля, 2020 13:10