Ижысь Кузебай Герд нимо гимназиын кылдоз анай кыллэн лабораториез

Удмурт Дунне
By Удмурт Дунне 8 июля, 2020 11:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Ижысь Кузебай Герд нимо гимназия Россиысь Просвещениея министерстволэсь грантсэ утӥз. 873 сюрс манет юрттоз улонэ пыӵатыны «Этнокультуралы дышетонъя медиа-лаборатория» проектэз.

Туспуктэм: К. Герд нимо гимназилэн «ВК» бамысьтыз

Гимназиын Удмурт школьникъёслэн проектъёссыя офис ужа, элькунамы со ассэ котыр ласянь ӟечен возьматӥз ини.
— Та грант — быдэс коллективмылэн вормонэз, — вераз офислэн кивалтӥсез, школалэн директорезлэн воштӥсез Юлия Шахтина, — ми лыдэ басьтӥмы вань дышетӥсьёсмылэсь опытсэс, малпанъёсмес тыро-пыдо проектлы пӧрмытӥмы, табере азямы эшшо но трос луонлыкъёс усьтӥськозы, со сяна, кылдоз медиа-лаборатория.
Гимназие басьтозы туала оборудование — сотэк ӟеч медиа емыш уз кисьма. Лэсьтӥськозы видеоурокъёс, лекциос, онлайн-курсъёс, презентациос, шудонъёс, ортчылозы онлайн-трансляциос…
Удмуртиысь, Башкириысь, Пермьысь, Марий Элысь анай кылъя дышетӥсьёсты огазеялоз «Выль тулкым» сеть. Ваче ужаса, дышетӥсьёс выль амалъёс малпалозы, урокъёссэс туала но тунсыко карыны дышетскозы.

Проект улсын ик пиналъёслы лагерь ортчоз, соос проектъёс гожъялозы, видео кылдытон бордын ужалозы.
Проектэз улонэ пыӵатыны июле кутскозы ини.

Сергей Захаров

Удмурт Дунне
By Удмурт Дунне 8 июля, 2020 11:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<