Ижкарысь Эшъяськон монумент доры шоркармылы сӥзем стела пуктозы

Удмурт Дунне
By Удмурт Дунне 23 июля, 2020 11:49

Туэ гужем Ижкармы «Город трудовой доблести» нимен пусъемын вал. Талы сӥзьыса, Ижысь Эшъяськон монумент вӧзы стела пуктозы.

Туспуктӥз Анастасия Шумилова
Туэ гужем Ижкармы «Город трудовой доблести» нимен пусъемын вал.
Туспуктӥз Виктория Крамова

Городлы таӵе ним мед сётозы шуыса, ог 540 сюрс мурт куаразэ ӧз жаля. Ижъёслэсь ик юазы, кытчы выль стелаез пуктыны умойгес луоз. 13-тӥ-19-тӥ пӧсьтолэзе вотэсын юалляськон ортчиз, тросэз ӵектӥзы стелаез Эшъяськон монумент доры пуктыны. «Ижкар — ужен данлыко город» стелалэсь туссэ но, вожвылъяськон ортчытыса, быръёзы. Матысь дыре Иж городлэн администрациез Удмуртиысь Архитекторъёслэн союзэнызы ӵош конкурс ялоз, йылпумъянъёс 31-тӥ августэ лэсьтэмын луозы.

Удмуртиысь калыклэн Быдӟым война дыръя геройлыко ужамез но ожмаськемез сярысь тодамы вайытӥсь стела вӧзын 1-тӥ Мае, Вормон Нуналэ митингъёс ортчытъяны чаклало.

Виктория Крамова

Удмурт Дунне
By Удмурт Дунне 23 июля, 2020 11:49