В. Кушко: 15 часлы шаерысьтымы 51,2 процентэз улӥсьёс быръёнэ пыриськизы

Удмурт Дунне
By Удмурт Дунне 1 июля, 2020 19:16
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Туспуктэм: Анна Снигирева

Удмуртиысь быръёнъя комиссилэн кивалтӥсез Виктор Кушко вераз: 15-00 часлы шаерысьтымы 51,26 процент улӥсьёс Конституцие воштонъёс пумысен куаразэс сётӥзы.

Мылкыдзэс веразы 40 процентлэсь ятыр городын улӥсьёс но 65-70 процентэз гуртоос. Куара сётон радъямын вал нимыстыз быръёнъёсъя участокъёсын, азбаръёсын усьтылэм палаткаосын. Быръёнэз радъясь адямиос арлыдоос, инвалидъёс доры нимаз поталлязы. Быръёнъёс чылкытлык сярысь сюлмаськыса, ортчизы: котькуд адямилы сётӥськиз маска, нимаз ручка, перчатки, киоссэ антисептикен пазяллязы.

Быръёнъёсын законэз тӥян учыръёс пусъемын ӧй вал шуыса, ивортӥзы Общественной палаталэн кивалтӥсез Рашид Хуснутдинов, Удмуртиысь инвалидъёслэн огазеяськонэнызы кивалтӥсь Максим Воробьёв.

Городын улӥсьёс Конституцие воштонъёс пыртон ласянь мылкыдзэс верам сяна, Ижкарлы «Город трудовой доблести» ним сётон понна куара люканэ пыриськизы. Арня ӵоже 250 сюрслэсь ятыр кинюртэм бичамын вал. Солэсь азьвыл люкамын вал 150 сюрс пала.

Ижкарлы дано ним сётӥзы ке, городамы буре ваён стела пуктозы. Ижкарлэн йырыз Олег Бекмеметьев оскытӥз: малпан быдэсмиз ке, стелаез интыялозы сыӵе районэ, кытысь тужгес трос калык Ижлы дано ним сётон понна дурбасьтӥз.

Нош гуртоос  интыосысь кичӧлтонъёс понна куаразэс сётӥзы на, вормись поселенилы проектсэ улонэ пыӵатыны 500 сюрс манет сётӥськоз.

УД

Удмурт Дунне
By Удмурт Дунне 1 июля, 2020 19:16
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<