Борыед кисьмалоз, бичасез луоз

Удмурт Дунне
By Удмурт Дунне 10 июля, 2020 15:31
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Туспуктӥз Максим Егоров
Вуэм боры коӵышез но гочатэ.

Узы-боры мерттомы

Чурен-чурен, апие…

Туэ бакчаямы боры удалтӥз. Варення но пӧзьтэмын, кынтыса но кельтэмын, бускель пиналъёс но кунояськизы, ӝакыос но кӧттырымон кокчаськизы… Одӥг ведразэ мама эшезлы нуиз — соослэн емышсы ӧжыт. Нылкышно ӝожтӥське: ми, пе, викториямес выль интые мерттылӥськом, нош тӥляд, кӧня улӥсько ини, пудъёс ялан одӥг интыын. Зэм но: бакча возисьёс 3 арлы огпол боры пудъёсты выль интые мерттыны косо. Мама но арлы быдэ шуэ: туэ борылэсь интызэ воштоно вал ини… Но ки уг сузьы. Нош борылэн выль интые вуэмез-а, мар-а уг поты — емышсэ жалятэк сётэ. Боры но дорзэ яратэ, вылды.

Узы меда, боры меда —

Кудзы азьло кисьмало?

Инвожо толэзе бакчаын боры гордэктыны ӧдъя гинэ, убо доры пиналъёс кыштыр-кыштыр вуо ини. Тэшкылиос борылы гордэктыны уз сётэ — вожен ик сиёзы. Ма, аслам но пичи дыръям чиданэ ӧй вал. Емышлэн одӥг бамыз ӵыжытгес кариськиз ини — мар эшшо возьманэз? Борыез утён вылысь мемеймы убо дуре бадӟым сьӧд пальто ошиз огпол. Пичи муртлы со Боко кадь потэ вал, дыр, соин боры пудъёс дортӥ ӧй ветлы… кӧня ке нунал. Бӧрысь кӧшкемыт Боколы но дышиськиз, боры сиыны со чик ӧз ни люкеты. Нош вынме вож боры сиёнлэсь алыны выль амал малпазы. Мемеймы пудъёс пӧлы кузь зӧк гозыез куштӥз. Вынылы верамын вал: пудъёс пӧлын кый вань, али отӥ эн ветлы. Выны кӧня ке нунал чидатскиз ик но отӥяз со «кыен» ӵош урам кузя ветлэ ини вал.

Узы-боры, ой, куар улын

Изисез нош вань меда?

Покчи дыръям узы-боры, эмезь, сутэр бичамысь доре пырыкум, мемее, тырмымтэ бидонэ шоры учкыса, одно юалоз вал: сьӧд горшоке бичаськид-а, нылы? Зэм но, боры, бидонэ кошкем интые, малы ке но ыме ӵемгес пыре вал. Нош дась бичамез емыш эшшо но золгес гочатылӥз. Огпол соку гинэ бичам узыен бидонэз шедьтӥськем. Ӝыныез отын ик сиемын вал. Нош наштаськем йыртэмась бидон вӧзы ик умме усиз. Кызьы шуо — йыртэмасез йыруж лэсьтон интыяз ик кутӥзы.

Оло, ачиз нюлэс тыре

Зӧк сарваяд узы-боры сузен.

Пӧсьтолэзь кузёяськемен, лудъёсын-тэльёсын но боры кисьма. Борыез бичаны кутскыса, уд ӵыдӥськы ини, ваньзэ вунэтыса, вожомыса октӥськиськод. Озьы огпол пастукакумы боры бичаны ӧдъям но скалъёсмылэсь пегӟемзэс валаса но ӧм вуттэ. Ӝыны уллёез нюлэскытӥ утчано луимы гочатӥсь борыен йырин.

________

Виктория КРАМОВА

Удмурт Дунне
By Удмурт Дунне 10 июля, 2020 15:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<