Башкириысь Кӧйгуртын Керемет вӧсь ортчиз

Удмурт Дунне
By Удмурт Дунне 7 июля, 2020 14:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Башкириысь Балтач ёросысь Кӧйгуртын ӟег сяськаян вакытэ
бадӟым вӧсяськон — Керемет вӧсь — радъяськылэ. Туэ со ортчиз 19-тӥ инвожое.

Кӧйгуртысь Тимерхан Апсаликов — одӥгез мӧйыез пиосмурт, соин гуртоос вӧсьёсыз ортчытъяны солы оскизы.

Вазь ӵукна ик Кереметлы вӧсяськон интыын калыкез трос вал ини. Гуртоос ыж вандыны люкаськизы. Вераны кулэ: арлы быдэ пӧртэм адямиос, семьяос ыжъёссэс йыр-пыд сётыны но вӧсяны сёто — туэ, кылсярысь, 11 ыж вандэмын вал. Озьы асьсэлы, матысьёссылы ваньзэ ӟечсэ гинэ куро.

Кин ыж сётэ — со ачиз ик вӧсяськон нуналэ пудо-животсэ вандыны лыктэ. Котькудӥзлэсь ыжлэсь кӧня ке вирзэ вӧсясь дасям гопъёсы кисьтэ но соге. Бадӟым пуртыосын сӥлен нырысь лым пӧзьто, собере — ӝук. Гуртын улӥсьёс (кин ыжзэ ӧз ванды но нюлэскы вазь ӵукна ик ӧз мыны) вӧсяськыны лым пӧзем бере, нуназе котыр, люкасько. Азьвыл таӵе вӧсяськонъёсы гуртоос нимысьтыз дӥськутэн ветло вылэм. Али сое уг чаклало ни, но йыртэмпол (гольык йыр) мыныны уг лэзё.

Вӧсяськыны лыктӥсьёс сьӧразы тусьты-пуньы, пӧраськем ваё. Вӧсяськон кутскемлэсь азьвыл кызьпу вӧзысь пичи гуэ, шуд-тазалык курыса, манетъёс куяло. Няньзэс но пыжиськемзэс пуртыос вӧзысь ӝӧк вылэ тырыса кельто но музъем вылэ вӧлдэм шобретъёссы вылэ пуксё.

Вӧсясь нюлэскы ӵукна ик вуэ. Кӧйгуртысь Тимерхан Апсаликов — одӥгез мӧйыез пиосмурт, соин гуртоос вӧсьёсыз ортчытъяны солы оскизы.

Гуртоос сиськыку, пуртыосын ыж сӥлен рислэсь ӝук пӧзе.

— Вӧсь кылъёсыз книгаысь удмурт кылын лыдӟисько, мынам нимысьтыз книгае вань, — вера Тимерхан Апсаликов. — Но булышыны (юрттыны) ыж сётӥсьёс пӧлысь кыксэ ӧтисько на. Соос вӧзам сыло, уг вӧсясько. Азьло бабайёс (песятайёс) 3-4 кузя вӧсь лыдӟо вал, хазыр (али) озьы ум кариське.

Калык люкаськем бере вӧсясь но 2 юрттӥсьёсыз султо ӝӧк но пуртыос доры (мукетъёслы соос вӧзы лыктыны уг яра), киязы пӧзьтэм лымез, ыж сӥлез но гуртооссылэсь ваем пӧрамъёссэс куто. Вӧсясь быдэс гуртлэн нимыныз куриське. Сиёнэз вӧсяло но вань лыктэмъёслы люкыло. Гуртоос сиськыку, пуртыосын ыж сӥлен рислэсь ӝук пӧзе. Вуэмез бере тазэ но вӧсяло. Вӧсясь ыж сётӥсьёслэсь нимъёссэс нимаз-нимаз вера, Инмарез соослы шуд-тазалык сётыны куре.

________

Елена РЯБИНА

Удмурт Дунне
By Удмурт Дунне 7 июля, 2020 14:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<