Алнаш ёросысь Блатгуртын мисьтаськон выж лэсьтӥзы

Удмурт Дунне
By Удмурт Дунне 27 июля, 2020 08:54
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
Гуртоос Туймы шуразы мисьтаськон выж ӝутӥзы.
Туспуктэм: Лекомцевъёслэн архивысьтызы

Алнаш ёросысь Блатгуртын ог 140 мурт сяна улӥсез ӧвӧл. Одӥг семья кадь уло — котькыӵе ужзэс дэмен лэсьто.

Алигес Туймы шуразы мисьтаськон выж ӝутӥзы. Табере дӥсьсэс ведраен карнанэн гылъяськыны васькало егитъёс но, мӧйыос но. Лекомцевъёсмы сыӵе выж кузьмазы, шуо.

— Песяймы шуэ вал: гид шулдыр бӧксӥсь такаен, корка — ӟургетӥсь кышномуртэн, — вера Тамара Лекомцева. — Мон сыӵе ӟургетись интыын, лэся. Картэлы вераны кутски: бакча бере мисьтаськон выж кулэ вылэм, выж… Стиральной машина — со машина ни. Шурын киын пуж-пуж мисьтаськем потэ. Сотэк кӧт уг тыры. Пичи дырысен вань чыры-пыры дӥсьёсты но, курткаосты-шобретъёсты но ялан шурын гылъяськомы вал ук. Одӥг мисьтаськон выж вань, но отын ӧрыз пичи, турын-куар но котыраз будэ. Тулыс тудву каллен кошке ке, шурлэн ӧрыз пичи луэ. Озьы ик вань со. Туэ Туймы воксё лазегаз. Отын трос уд жомбылляськы. Кузьгес выж кулэ шуэмысь, картэ кияз тӥр, молот кутӥз, Виталий Куликов бускельмес, пимес сьӧраз ӧтиз. Пиломатериал асьмелэсь ик поттӥм. Выжлы гинэ трос кулэ шат? Мон ярдурысен учкыса сылӥ, ӧй пӧрме ук, пӧрме шуыса, мылкыдзэс ӝутӥ. Кызьы уйме кӧлытэк чидай на? Ӵукнаяз ик ведра тыр дӥськутэн васьки. Ой, шумпотымон ук! Нокыӵе араматизаторъёс кулэ ӧвӧл — инкуазьлэн аслаз номырин воштонтэм ческыт зыныз!

Гуртоос но табере Лекомцевъёслы но Куликовъёслы тау каро. Адӟемзылы быдэ «ми но мисьтаськимы ай» шуыса мактасько. Пӧсь дыръя табере со выж вылысен вуэ пыласькыныпырыны но каньыл. Тамара Яковлевна кузпалзэ но гуртооссэ шур котыре беседка лэсьтыны ӝутъя на. Пинал дырез вераса пукыны но люкаськон интымы воксё ӧвӧл, шуэ.

— Беседка луиз ке, калыкез отысь уз бырылы, дыр, — вера нылкышно. — Нылпиослы но шумпотон луоз. Пичиослы шудон площадка но кулэ ай. Азьлозэ детдомысь нылъёсын-пиосын лэсьтӥмы вал. Ӟус шуккимы, луоен шудон инты лэсьтӥмы. Но аръёс ортчемъя со но вужме, ланьыра ни. Пиналъёслы ӟечыран но кулэ. Школамы, нылпи садмы гуртын ӧвӧл бере, площадкалы но беседкалы кыӵе шумпотысалзы.

Гуртоос котькуд коркась ог 2 сюрс манетэн бичазы сюрессэс лэсьтыны но. Ульчазы тани-тани выльдӥськыны кулэ. Ачид маке ужаны вырӟид ке, ваньмыз каньылля пӧрмоз, шуо.

Елена Сараматова

Удмурт Дунне
By Удмурт Дунне 27 июля, 2020 08:54 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<