TikTok-ысь библиотекарь

Удмурт Дунне
By Удмурт Дунне 30 июня, 2020 13:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

«Библиотекарь» кылэз кылыса, адямиослэн син азязы ӵемысь пуксе книгаосыз котыртӥ ялан бергась но калыкез шыпытгес луыны курись, бадӟым очкиен керӟег кышномурт.

Пичи Пурга ёрос библиотекаын ужась А. Фишер тунсыко проектъёс гожъя.
Туспуктӥз Влад Степанов

Пичи Пурга ёрос библиотекаын ужась Асият Фишер та суредлы чик уг тупа. Адӟиды ке пеляз наушникен, тыбыр сьӧраз рюкзакен, велосипедэн кытчы ке дыртӥсь нылкышноез — со Асият уж дуре дыртэ.

Библиотекарьлэн ужез — лыдӟисьёслы книгаос сётъян гинэ ӧвӧл шуыса, Асият ӟеч тодэ. Маин гинэ со уг выры: пӧртэм проектъёс гожъя но соосты улонэ пыӵатэ, семинаръёс радъялля, визь сынан шудонъёс ортчытъя, тунсыко адямиосты пумиськонъёсы ӧтчалля. Кылсярысь, А. Фишерлы луыса пичи пургаос доры туэ вуылӥзы Сергей Матвеев, Андрей Гоголев писательёс, Удмурт театрысь артист Александр Баймурзин.

Егит библиотекарь тодон-валанзэ ялан будэтэ, пӧртэм семинаръёсы пыриськылэ. Али со 2-тӥ вылӥ образование басьтэ, «Библиотекарь-информатик» программая дышетске. Ма, али но цифровой технологиосын, компьютерной но мобильной программаосын эшъяське ини, быгатонлыкъёссэ ужаз кутэ. Котькуд техника, программа солэсь кылзӥсько. Асиятлэн яратоно веранэз: «али ик». Мар ке кулэ шуыса вераськод гинэ — соку ик пӧрмытэ.

Алигес А. Фишерлэн «Этно TikTok» проектэз вормиз Удмуртиысь Нациосын ужан политикая министерстволэн конкурсаз, сое улонэ пыӵатыны субсидия висъямын луоз.

— Пичи Пурга ёросысь НКО-ысь муртъёсты, 14-30 аресъем ог 40 адямиез, TikTok соцсетьын ужаны дышетом, — вера А. Фишер. — Соос смартфонэн фото но видео лэсьтыны, gif-анимация кылдытъяны, аккаунтэз ӟеч нуыны быгатозы. Озьы ёросысьтымы пӧртэм калыкъёс асьсэлэсь кылзэс, культуразэс TikTok-ын возьматыны быгатозы. Та вотэс бамын пичи калыкъёслэн кылзы уг чузъяськы на, нош егитъёс TikTok-ез туж ярато, отчы тросгес но тросгес калык пыриське. Дышетскем бере «Этно TikTok» челлендж мытом. Озьы ик лыдӟиськон юртамы пумиськон ортчытом, смартфонэ лэсьтэм туспуктэмъёсын адӟытон радъялом, видеороликъёсты возьматом, «Этно-
квизэн» шудом.

А. Фишер ӟеч тодэ: библиотека — со лыдӟиськон юрт гинэ ӧвӧл, татын адямиос шутэтскыны, мукет калыкен кусып возьыны, дырзэс пайдаё ортчытыны, быгатонлыкъёссэс усьтыны, тодон-валан басьтыны быгато. Нош литератураен пӧртэм сямен тодматскыны луэ. Кылсярысь, пичи пурга писательёс сярысь Tumbrl вотэс бамысь выллем коллажъёс егитъ-
ёсын ӵош лэсьяса, соцсеть-
ёсын пукыны яратӥсьёс понна «Аспӧртэм лыдӟиськон» бам нуыса. Но вотэсын пуконъяз А. Фишер книга лыдӟон сярысь но уг вунэты, туала литератураез но классикаез ӟеч тодэ. Ачиз но гожъяськыны яратэ — «ВКонтакте» вотэс бамаз нылпиосыз, писэез, котыр дунне сярысь тунсыко заметкаос гожъя — соос лыдӟисьёслэсь мылкыдзэс котьку ӝуто.

________

Людмила ШУМИЛОВА,

Анастасия ШУМИЛОВА

Удмурт Дунне
By Удмурт Дунне 30 июня, 2020 13:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<