Юрттоз-а 3 процентъем ипотека гуртъёсты ӝутыны?

Удмурт Дунне
By Удмурт Дунне 1 июня, 2020 12:50
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Шаерысьтымы 280 семья быгатӥз ни 3 процентъем ипотека басьтыны. Эшшо ог 2 сюрс 400 мурт гуртын пуктӥськыны я юрт басьтыны банке вазиськемын. Юрттоз-а та гуртъёсты ӝутыны?

Правительстволэн Тӧ­роезлэн воштӥсез, гурт удысъя но сиён-юонъя министр Ольга Абрамова

Правительстволэн Тӧ­роезлэн воштӥсез, гурт удысъя но сиён-юонъя министр Ольга Абрамова:

________

— Ипотекалы кредит тужгес трос куро ижъёс — 1 сюрс 382 заявка пусъемын. Дэри ёросысь 239 мурт капчиятэм кредитлы кулэяське. Ува ёросын 142 адями вазиськиз ни, Эгра ёросын — 94, Сарапул ёросын — 85, Алнаш ёросын —
70, Вавож ёросын, Пичи Пурга, Вотка, Балезино но Можга районъёсын — быдэн 50-60. 12-тӥ майлы 561 миллион манет ипотека висъямын ни. Ёрос центръёсын сяна, гуртъёсын но юрт басьтыны малпасьёс вань. Гуртын бакча воземе, пудо вордэме потэ шуо ке, шумпотоно. Котьма ке но уноез заявкаос Иж котырысь коркаослы. Со бордын ик гуртъёсты котыр ласянь азинтонъя кун программалэн малпанэз, дыр: адямиос уксёзэс гуртъёсын пуктӥськонлы-басьяськонлы мед быдтозы, отчы дачае сямен вуылыны ке но. Соин ик туннэ шуг вераны,
3 процентъем ипотека гуртъёсы калыкез кыскоз я уз. Умойгес луысал, капчиятэм ипотекаез сётъяны луысал ке гуртэ выжыны, отын улыны но ужаны медӥсьёслы.

Дэри ёрос администрациысь гурт удысъя управлениен кивалтӥсь Валериан Никитин

Дэри ёрос администрациысь гурт удысъя управлениен кивалтӥсь Валериан Никитин:

________

— Программа умой малпамын, но жаляса верано, капчиятэм ипотекая адямиос трос этажъем коркась квартиралыгес синмасько. Со юрт Дэри ёрослэн лыдъяське ке но, Ижлы матын. Отчы пӧртэм ёросъёсысь семьяос лыктозы, нош ужалозы городын. Дэри ёрослы солэсь ӟечез номыр уз луы. Гуртъёсамы так но лыктӥсез сюре: дача возё. Но соослы но тау шуыны кулэ: соостэк куд-ог гуртъёс, оло, воксё бырысалзы ни. «Путь Ильича», «Заря» но Азин нимо хозяйствоосы тани ужаны куриськисез трос. Та предприятиос юнэсь, соос ужасьёссылы пуктӥськыны музъем дунтэк висъяло, техникаен, пиломатериалэн юртто.

Ува ёросысь «Дружба» хозяйствоен кивалтӥсь Виктор Яблоков

Ува ёросысь «Дружба» хозяйствоен кивалтӥсь Виктор Яблоков:

________

— Хозяйствоысьтымы 2 семья ипотека басьтыны выриз — ӧз сётэ, нош райцентр котырын улӥсьёслы уксё висъязы. Черкогуртъёсын улон сотэк но майбыр — пичи гуртъёсын улӥсьёслы ипотека мед висъясалзы. Соку гуртъёсын пуктӥськон кутскысал, егитъёс нылпи вордысалзы. Али пичи гуртъёс эштосъёслы гинэ кулэ на кадь: сюрес сузяны, соцобъектъёсты возьыны юртто, уж сёто. Ми тани Былайпочинкае шутэтскон инты лэсьтӥмы. Адямиос асьсэос но шуо: колхоз луиз ке, ми но улом ай.

Алнаш ёрос администрацилэсь но Депутатъёслэн Кенешсылэсь ужъёссэс радъясь отделэн кивалтӥсь Марина Гарифуллина

Алнаш ёрос администрацилэсь но Депутатъёслэн Кенешсылэсь ужъёссэс радъясь отделэн кивалтӥсь Марина Гарифуллина:

________

— Адямиос, нылпиоссэс малпаса, город котыре квартираос я коркаос басьтыны тыршо, нош гуртэ юрт басьтӥсь ӧвӧл. Али пичи гуртъёсы пенсие потэмъёс юртъер окто, асьсэлэсь коркаоссэс нылпиоссылы кельтыса. Кылсярысь, озьы выльысь паськытаны кутскизы Ключёвка, Абыш, Бокай гуртъёсмы.

Дасяз Елена Сараматова

Удмурт Дунне
By Удмурт Дунне 1 июня, 2020 12:50 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<