Шӧкыч: Кыӵе пайда юись картлэсь?

Удмурт Дунне
By Удмурт Дунне 25 июня, 2020 17:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

— Ӟызымон понна кӧня пӧртэм дэмланъёс — кудзэ бырйыны но уд вала, ява, — эшъёсыз азьын паймыса вера Семон Тоня. — Но телевизорысь Роза Сябитова ик шонер вера кадь потэ. Куинь карт воштэм ини, али ньылетӥзэ утча. Шуэ: карттэ воштӥськод ке, ачид но чеберскиськод, нокыӵе диета шуонзы кулэ ӧвӧл. Ма, тае мон ас вылам но шӧдӥ ини. Нырысетӥез картэ, Васьлее, туж умой, каньыл вал. Сюлмаськонэз но куректонэз соин ӧй тодылы. Тупаса, ог-огмес валаса улӥм. Ганяк улэмысьтым ик, куайыны но кутски. Дэремъёсам тэремысь дугдӥ. Вазь кулӥз уга Васьлее — сопал дуннеын ӟеч мед улоз ни. Ваньмыз воштӥськиз Педореным. Асьтэос тодӥськоды ук: со мынам юмшась но тордӥга, оло, тӥ доры но вуылэ. Сыӵе картэн капчи но шулдыр улонэз уд адӟы. Ар куспын 10 килограммлы ӟызыяй.

— Эн ӝожтӥськы, Тоня, кин тонэ сыӵе картэн улыны косэ? Люкиськы, — Семон Тоняез визьмано кожаз Тёро Лелюк.

— Ай уг, Лелюк. Мыным эшшо ог 3 килограммлы ӟы­зы­ёмо­но на, собере адӟом. Юнме шат юись картэз чидасько, солэсь но кӧня ке коть пайдаез мед луоз.

________

Алексей ТРУБАЧЕВ

Удмурт Дунне
By Удмурт Дунне 25 июня, 2020 17:00 Updated