Шӧкыч: Кеч возьмась

Удмурт Дунне
By Удмурт Дунне 24 июня, 2020 17:18
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Миквор агай арлы быдэ гурт пастухе ветлэ. Сямыз зӥбыт бере, ми чик пумит ум луиське. Скал вордӥсьёс ӧвӧл ни ке но, ыжъёсмы, кечъёсмы тачак на. Соосты кинлы ке возьмано ук. Бон, Миквор одӥг-ог ӟамыртылыны яратэ. Шунды шорын собере кисьма но, лэся.

Толон но пудомылэсь бертэмзэ возьмаськом-возьмаськом — уг адӟисько. Бускеленым, Оддок кенакен, гурт пуме ваським ни. Бӧрсямы мукет гуртоос но кыстӥськизы. Я, ыжъёсмы кытысь ке куакъёс сьӧрысь потӥзы. Бӧрсязы Миквор агай но туть-вать вамыштэ. Кечъёсмы ӧвӧл.

— Миквор, кечъёсмы нош кытын? — паймытске Оддок кенак.

Миквор агайлэн одӥг пигонэз но ӧз вырӟы кадь:

— Соос мыным шуизы: маленько покушаем, потом придём.

— Осто, Миквор, бон мон кечъёсыным удмурт сямен гинэ вераськисько, тон соосты ӟуч карид ни шат? — пышкылэ Оддок кенак.

Ӟуч-удмурт кечъёсмы утчатэк ӧз бертэ, ява. Туннэ Миквор агай пастухе йӧн-йӧн кошкиз. Ӧйтӧд, кыӵе бертоз…

________

ӞЫРДАМ ЛЕНА

Удмурт Дунне
By Удмурт Дунне 24 июня, 2020 17:18 Updated