Шаерысьтымы 240 егит дышетӥсьёс ог 13,5 миллион манет пала юрттэт басьтӥзы

Удмурт Дунне
By Удмурт Дунне 26 июня, 2020 12:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
Туэ егит дышетӥсьёс 13 ёросъёсы но Можга городэ мынозы.

Уксё сётӥське, школаын нырысетӥ 3 арзэ ужатозязы: 1-тӥ араз — 40 сюрс манет, 2-тӥ араз — 60 сюрс но 3-тӥ араз — 80 сюрс манет. Вазен таӵе юрттэт чакламын вал гуртысь дышетӥсьёслы гинэ. Но Удмуртилэн Тӧроез Александр Бречалов кичӧлтэмъя кылем арысен сое басьтыны быгато ни городын ужасьёс но.

— Выплатаез басьтон понна куриськонэн но документъ­ёсын вазиськоно Дышетонъя но наукая министерствое, — вераз министр Светлана Болотникова. — Кыӵе документъёс кулэ, тыро-пыдо ивортэмын министерстволэн сайтысьтыз «Проекты-программы» люкетын.

Шаерамы озьы ик пыӵа «Гуртысь дышетӥсь» программа. Чакламын со гуртэ, 50 сюрслэсь ӧжыт улӥ­сен каргуртъёсы, городъёсы ужаны мынӥсьёслы — быдэн 1 миллион манетэн сётӥське.

Кинъёс выплатаез туэ понна басьтозы — тодмо луоз 20-тӥ июнь бере. Кызьы вераз Светлана Болотникова, программае пыриськыны мылкыдзэс веразы вал 70 дышетӥсьёс, но шедизы 14-ез гинэ. Кылемъёсыз та программае пыриськозы ни вуоно арын.

Туэ егит дышетӥсьёс 13 ёросъёсы но Можга городэ мынозы. Отын кема аръёс ӵоже кадръёсын югдур секыт ни. 1 миллион манетсэс быдтыны быгатозы ас мылкыд каремзыя.

Элина Кумачёва

Удмурт Дунне
By Удмурт Дунне 26 июня, 2020 12:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<