Узы сиё ни майысен

Удмурт Дунне
By Удмурт Дунне 17 июня, 2020 13:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Культура удысысь тодмо адямиос Алефтина но Геннадий Корепановъёс май толэзе ик Иж вӧзысь сад-бакчаысьтызы узы (виктория) сиыны кутскизы ни. Кызьы сокем вазь кисьмаз емышсы?

Г. Корепанов пӧртэм эскеронъёс ортчытъя.
Геннадий Корепановлэн архивысьтыз

Нокыӵе мудрон амалзы вылымтэ: теплицаын будэтӥськом, пе.

— Милям 2 сад-бакчамы, — вераз Геннадий Семёнович. — Одӥгаз ваньмыз сямен ик мерттӥськиськом ке, мукетаз пӧртэм экспериментъёс ортчытъяськом. Ог 10 узы пудъёсты кӧня ке ар талэсь азьло теплицае выжыятӥ. Кельшиз: май толэзе кисьмам емыш уката ческыт потэ! Теплицамы пасьталаезъя 3 метр, кузьдалаезъя 6 метр. Виктория сяна, отчы ик мерттӥ виноград — кырысь пудъёс али гинэ шунытэз валаны кутскизы ай, нош таосыз сяськаяло ни. Теплицаын ик инты тырмиз кӧня ке помидор, перец удъёслы но.

Нош картошкаез Корепановъёс мертто, сюен шобыртытэк, турын улэ гинэ.

— Картошкаез чурен ты­рись­ко но соку-соку гинэ турнам вож турынэн шо­быртӥсько. Турын пӧ­сек­тыны кутске ке, картошкалы шуныт луэ, туж ӝог потыны кутске, — азинтэ веранзэ Г. Корепанов. — Зэм, трос картошка ум будэтӥське, туэ, кылсярысь,
3 ведра мерттӥм. Малпасько, ог 30 ведра бичалом, дыр. Но юри вазь вуись сортъёсты бырйиськом, гужем шорысен ик сиыны кутскиськом ни.

Картошка, узы но мукет емышъёсты будэтонэн Геннадий Семёновичгес выре. Нош Алефтина Мефодиевна гужембыт но сяськаосыз котырын бергасал, пе. Пионъёсыз гинэ ог 50.

— Химия суретъёсын ум выриське, — ватсаз Г. Корепанов. — Но арлы быдэ вал кыед басьтӥськом. Сое вае Ува ёросысь Булайысь воргорон. Кыедэз туж умой — будосъёсмы солы шумпото но емышъёсынызы шумпотто.

Элина Кумачёва

Удмурт Дунне
By Удмурт Дунне 17 июня, 2020 13:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<