«Удмуртия» издательство выльысен поттӥз «Дорвыжы» героической эпосэз

Удмурт Дунне
By Удмурт Дунне 30 июня, 2020 14:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

«Удмуртия» издательство выльысен поттӥз удмурт калыклэсь «Дорвыжы» героической эпоссэ.

Ӟуч историк Михаил Худяков удмурт калыклэсь эпоссэ люказ но поттыны дасяз вал «Век Кылдысина» нимын кылем даурлэн кутсконаз. Удмурт кылэ солэсь ужзэ эркын берыктӥз филология наукаосъя доктор, калык писатель Василий Ванюшев. Нырысьсэ «Дорвыжы» нимын та произведение лыдӟисьёс кие вуиз 2008-тӥ арын.

Выльдэм книгалэн азькылаз Василий Ванюшев пыр-поч гожтэ удмурт калыклэн героической эпосэзлэн кылдэмез сярысь, удмуртъёс доры выльысен вуэмез сярысь. Эпос кема вордӥськиз, пӧртэм вакытэ со бордын ужазы, сое калыкозь вуттыны тыршизы Удмуртиысь но кунгож сьӧрысь тодосчиос.

Текст но иллюстрациос ӵош вамышъяло. Суредъёс эпосэз паськытато, пуштроссэ усьтыны юртто — соосты суредаз Удмуртиысь калык суредась Вячеслав Михайлов. Нырысетӥ изданиез но солэн ик иллюстрациосыз чебермало. Но таяз учыре художник Валентин Семёнов дизайнерен ӵош книгае трос выль суредъёс пыртыны быгатӥллям, соосты мукет сямен радъяллям.

Книгалэн вылтусыз синмез кыске, угось солэн нимыз, удмурт тамгаос вылэ пыкиськыса, лэсьтэмын-малпамын. Удмурт пусъёс сярысь вераськон мынэ эпослэн укмысэтӥ кырӟаназ:

Пусъёсыз тон

тодмаськод ке,

Нокыӵе шугез ӧвӧл —

Нош но нош кутскылыса,

Мыл потэмъяд лыдӟы тон!..

Георгий Туманов

Удмурт Дунне
By Удмурт Дунне 30 июня, 2020 14:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<