Удмуртилэн Тӧроез Александр Бречалов: Ӟечкыласько Россилэн нуналэныз!

Удмурт Дунне
By Удмурт Дунне 12 июня, 2020 08:23
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Удмуртиын улӥсьёс!

Ӟечкыласько Россилэн нуналэныз!

Та праздник асьме понна огез бадӟымез. Со гер­ӟась­ке­мын узыр историенымы, сям-йылолъёсынымы, культураенымы, со возьматэ, макем асьмеос Дормес гажаськомы. Туэ, Буре ваён но данъян аре, сое пумитаськомы нимысьтыз мылкыдын.

Быдӟым Вормонлы 75 ар тырмон аре ми данъяськыса тодамы вайиськомы песятайёсмес, йыбырттӥськомы соослы, тау кариськомы улон кузьмамзы понна. Соослы луыса ми пинал будэтӥськомы, внукъёсмес визьнодаськомы.

Удмуртиын улӥсьёс понна эшшо огез пусйымон лыдпус — элькунмы кылдэм дырысен 100 ар тырмон. 100 ар — нимаз адями понна но, история понна но бадӟым лыдпус. Со дырысен Удмуртия котыр ласянь азинскыны кутскиз. Даур ӵоже элькунмы зэмзэ но луиз Россилэсь люконтэм, странамес узырмытӥз аслаз аспӧртэм культураеныз но сям-йылолъёсыныз, промышленностьлэн вормонъёсыныз.

Табере асьмелы йылпумъян лэсьтоно ортчись даурлы но эшшо но югытгес вакытъёслы инъет кылдытоно. Оскисько, огъя кужымен та ужпумез вормомы.

Россилэн нуналаз арлы быдэ пусйиськомы Ижлэсь нуналзэ. Солэн юбилеез ортчоз мукет сяменгес: бадӟым ужрадъёсты воштозы пичи, сюлмысь проектъёс, адямиос люкаськозы асьсэ азбаръёсазы, ӵыжы-выжыос сямен. Эшлыко мылкыд, малпасько, пы­ӵа­лоз вань ижъёслы.

Котькуддылы сӥзисько юн тазалык, малпанъёсты мед быдэсмозы. Семьяосады тупаса улэ, удалтон мед луоз бордады!

Удмурт Элькунлэн Тӧроез
А. БРЕЧАЛОВ

Удмурт Дунне
By Удмурт Дунне 12 июня, 2020 08:23 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<