Туннэ, 22-тӥ инвожое, буре ваёмы Быдӟым Атыкай ожын быремъёсты

Удмурт Дунне
By Удмурт Дунне 22 июня, 2020 09:58

Туннэ, Буре ваён но кайгырон нуналэ, одӥг минут шыпыт уломы, буре ваён сюсьтыл ӝуатомы.

13 часын 15 минутэ Шыпыт улон минутэз возёмы
Туспуктэм: udmurt.ru

13 часын 15 минутэ Шыпыт улон минутэз возёмы. Ӵапак та дыре 1941-тӥ арын радио пыр калыклы ивортэмын вал: Совето Союз вылэ омырскиз Германия.

Шыпыт улон минут Россиысь вань улосъёсын одӥг дыре кутскоз. Удмуртиын 13 часын 15 минутэ телевидение но радио, городъёсысь экранъёс но динамикъёс пыр ивортозы акция сярысь.

Коронавирусэн йырин буре ваён сюсьтылэз ӝуатомы онлайн, деньпамяти.рф вотэс баме пырыса. Быдӟым Атыкай ожын быремын 27 миллион адями, та нуналэ котькудӥз понна сюсьтыл ӝуатыны малпамын.

Ижысь Вормонлы сӥзем скверын «Волонтёры Победы» огазеяськонысь азьветлӥсьёс «Горд гвоздика» акция ортчытозы. Котькуд мылкыд карись быгатоз горд гвоздика басьтыны, уксё бичаське ожысь ветеранъёслы юрттон вылысь. Озьы ик гвоздикаез луэ басьтыны онлайн, https://pamyatpokoleniy.ru/certif/?utm_source=volonte баме пырыса.

Вормонлы сӥзем скверын радъяське адӟытон. Отчы люкам туспуктэмъёс возьмато шаерысьтымы 1941-тӥ-1945-тӥ аръёсы улонэз. Кызьы колхозъёсын но заводъёсын уж мынӥз война вакытэ, кызьы дышетскизы училищеосын, улӥзы нылпи юртъёсын…

Мария Петрова

Удмурт Дунне
By Удмурт Дунне 22 июня, 2020 09:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<