Пособие йылӥз

Удмурт Дунне
By Удмурт Дунне 29 июня, 2020 13:58

Валэктэ Социальной страхованиея фондысь СМИ-осын кусып возёнъя группалэн кивалтӥсез Татьяна Скутина

Улӥсько но ужасько гуртын, уждунэ бадӟым ӧвӧл,
10 сюрс манет котыр. Али бен уг ужаськы ни, декретной отпуске потӥ, ӝоген нырысетӥ нылпие вордскоз. Валэктэ вал, кызьы лыдъяськоз но тыриськоз мыным пиналын пукеме понна пособие?

Светлана О. Пичи Пурга ёрос

— Нылпиез 1,5 аресозь утем понна пособие лыдъяське, уждунлэсь быдӟалазэ лыдэ басьтыса. Шуиськоды, ӝоген пиналды вордскоз, озьыен, декретной отпуске потӥды туэ. Озьыен, санэ басьтӥськоз валля но кылем аръёсы басьтэм доходды — нуналлы быдэ шорлыдын уждунды (больничнойын пукем вакыт татчы уз пыры).

Но туэ 1-тӥ июньысен пыӵаны кутскизы выль куронъёс. Декретын пукем понна пособие табере лыдъяськоз, улосмыя ичизэ тупатэм уждун (МРОТ) вылэ пыкъяськыса. Та вакытэ со 12 сюрс 130 манет. Со борды ватсаськоз на улосмыя коэффициент — озьы МРОТ луоз 13 сюрс 494 манет.

Уждунды ичи, озьыен, тӥлесьтыд пособидэс лыдъялозы, МРОТ-эз улос коэффициентэн валче басьтыса. Озьы нылпиен 1,5 аресозь пукем понна толэзьлы быдэ висъяськись коньдон 7 сюрс 764 манетлэсь ӧжытгес луыны кулэ ӧвӧл — тамында улосамы тупатэмын тужгес пичиез пособие. Вылаз ик, лыдэ уз басьтӥськы, кӧняетӥ нылпиеныды декретын пукиськоды. Та курон огкадь пыӵа нырысетӥ, кыкетӥ но со бӧрсьы пиналын пукисьёс понна. Нош азьвыл аръёсы нырысетӥ пиналэз утем понна ичиез пособие вал
3 сюрс 882 манет. Озьы со 1-тӥ июньысен 2 поллы йылтэмын.

Та пособиез басьтон понна куриськон гожтоно уж дурын. Тӥледлы со тыриськыны кутскоз нуны витем но ваем понна больничнойды йылпумъяськем бере. Нош кинлы та пособие тыриське ни, нокытчы вазиськоно ӧвӧл. Йылтэм бере со вуыны кутскоз июль толэзьысен.

Та курон пыӵа ужзэс ыштытэк декретэ потэм нылкышноос ласянь. Ужтэк кыльыса нуны витись кышномуртъёслы юрттэт висъя элькунысьтымы Калыкез улон-вылонын утён политикая но ужъя министерство. Та министерство пыр ик юрттэт висъяське ёрмись семьяослы: адямилы быдэ доход улыны тупатэм минимумлэн 2 быдӟалаезлэсь ичигес люкаське ке. Уждунды бадӟым вылымтэ, кузпалдылэн но со бадӟым ӧвӧл ке, озьыен, декретной пособиды борды тазэ но выплатаез басьтыны быгатоды на.

________

Елена НИКИТИНА

Удмурт Дунне
By Удмурт Дунне 29 июня, 2020 13:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<