Пичи Пурга ёросысь Кечолын кылдӥз кеч гид

Удмурт Дунне
By Удмурт Дунне 9 июня, 2020 12:33

Техника вуттон, пуктӥськон понна 5 процентъем кредит басьтыны капчигес луиз.

— 102 хозяйствоос оглом 6 миллиард манет кредитэ пыремын, кылем арын сярысь, со ог 4 миллиард манетлы уногес. 28 хозяйствоын медо гид пуктыны, котырзэс выльдыны, — шуэ гурт удысъя но сиён-юонъя министр Ольга Абрамова.

Фермаос пукто фермеръёс но. Кылсярысь, али Пичи Пурга ёросысь Кечол черкогуртысь Михаил Аверкиев, вуж парсь гидъёсты выльдыса, кеч вордон борды басьтӥськиз. 78 кечез ни, толэзь ӵоже
120-ёзь вуттыны медэ.

Хозяйствоос сюлмаськемен, гуртъёслэн туссы но выль­дӥське. Кылсярысь, Глазов ёросысь «Коммунар» СПК, гуртъёсты котыр ласянь азинтонъя кун программае пыриськыса,  быдэс посёлок ӝутэ. Шаркан, Эгра, Кез но Сьӧлта ёросъёсын но соцобъектъёс пуктон мытэмын. Ольга Абрамова пусъемъя, оглом гурт удысэз но гуртэз ӝутыны туэ висъямын луоз 3,8 миллиард манет.

Али ёрос администрациос­ты косэмын хозяйствоосты чакланы, азинтӥськыны малпасезлы юрттыны. Удмуртилэн Тӧроез Александр Бречалов пусъемъя, нокызьы но уг яра, азьвыл аръёсы сямен, хозяйствоослы лябӟыны, бан­крот кыльыны сётыны — шуг-секытъёсысь потыны юрттоно.

Елена Сараматова

Удмурт Дунне
By Удмурт Дунне 9 июня, 2020 12:33