Пичи Пурга ёросысь инвалидъёс дырзэс пайдаё ортчыто

Удмурт Дунне
By Удмурт Дунне 29 июня, 2020 14:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Россиысь Инвалидъёслэн огазеяськонзылэн Пичи Пурга ёросысь ёзаз пыремын 90 адями. Ваньмон дырзэс соос туж пайдаё ортчыто: ёросазы гинэ ӧвӧл, элькунамы ортчылӥсь ӵошатсконъёсы пырисько, экскурсиосы вуыло.

Пичи пургаос вормыло ша­ерысьтымы инвалидъёс пӧ­лын ортчылӥсь вожвылъясь­конъёсын. Вормонъёссы лачак, нош мугорзэс кыдатыны нимысьтыз интызы ӧвӧл. Но гужем куспын югдурзы вош­тӥсь­коз: огазеяськонзы «Мугормес кыдатом шумпотыса» проектэнызы Президентлэн грантъёсъя фондысьтыз уксё утӥз. Нялтас вераса, быдэс Россиысь та конкурсэ вуэмын вал 11 сюрс 85 проект, устоен лыдъямын
но уксё висъямын 2 сюрс 402-езлы.

— Инвалидъёслы, асьтэос валаськоды, мугорзэс кыдатыны нимысьтыз арбериос кулэ. Ӵапак та ужпумлы ик сӥземын вал проектмы, — шуэ Пичи Пурга ёросысь инвалидъёслэн огазеяськонзылэн кивалтӥсез Лариса Созонова. — Туж шумпотӥськом, вормисьёс радэ шедимы шуыса. Кичӧлтонмес быдэстыны висъямын 1 миллион 437 сюрс манет. Площадкаез пуктыны кутскомы ни июль толэзе. Нош усьтомы сентябре.

Пусйыны кулэ: инвалидъёслэн площадказы азбарын яке урамын уз луы, со интыяськоз Пичи Пурга черкогуртысь Калыклы улон-вылонын юрттэт сётонъя центрлэн юртаз. Радъямын луоз йогаен, фитнесэн вырон инты но. Ӝӧк выл шудонъёслы но сэрег висъяськоз. Мылкыд карисьёс отын тол но, гужем но мугорзэс кыдатыны быгатозы. Черкогуртын улӥсьёс сяна, ваньмон дырзэс отын ортчытозы быдэс ёросысь инвалидъёс.

________

Елена ТУГАШОВА

Удмурт Дунне
By Удмурт Дунне 29 июня, 2020 14:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<