Пегӟем мылкыд

Удмурт Дунне
By Удмурт Дунне 2 июня, 2020 13:22

Мария Емельянова

Котькуд куартолэзе ми «Дарт» газетамы нимысьтыз саклык висъяськомы вал школаез йылпумъясьёслы, соослэн пачылась мылкыдзылы… Туэ выпускникъёс эли-кеби югдуре шедизы.

9-тӥ классын дышетскись­ёслэн сюлмаськонзы быриз: быдэс ар соос кышкаса витизы нырысетӥ экзаменъёссэс, нош соосты уз ортчытэ, пе. Макем шумпотӥзы, дыр.

Но 11-тӥ классъёс шумпотӥзы меда? Валантэм на, ку экзаменъёссы ортчозы, кызьы вылӥ дышетскон интыосы пырозы. Бен, вузъёсы пырыны уг ке малпало, выпускникъёс ЕГЭ сётытэк но быгато, пе. Но, мон малпамъя, ӵемысь

11-тӥ классэ мыно ӵапак соос, кин вылӥ образованиез басьтон сярысь малпаське.

Одӥг ласянь, умой, выпускникъёслэн тросгес дырзы кылдӥз ЕГЭ-лы дасяськыны, пыр-почгес кулэ луись предметъёссэс дышетыны. Но таӵе вакытэ бордазы дышетӥсьёс кулэ луыны. Иське, кӧня сюлмаськон ватсаське!

Школаез йылпумъян — мон понна бадӟым праздник вал, гырлылэн берпуметӥзэ шуккемез — выль улонлэн кутсконэз. Толэзьлэсь кема ми, выпускникъёс, асьмеос сценарий бордын ужамы, нуись утчамы, репетициосы ветлӥмы, эктонъёс, кырӟанъёс, видеороликъёс дасямы. Нырысь ик со вал дышетӥсьёсмылы, школамылы, анай-атайёсмылы та аръёс понна тау карон, пичигес классъёсын дышетскисьёслы азинскон сӥзён.

Берпуметӥ звонок одӥг шокчемен ортче, нош сюлэм мӧзмонэн пыӵа. Сюлмаськытӥсь но мылкыдэз бугыртӥсь ужрад.

Нош мар туэ? Ваньмыз — дистанционно. Кызьы? Видеоконференция пыр. Кызьы лултэм видео праздник­лэсь мылкыдзэ пыӵатоз?

Удмурт Дунне
By Удмурт Дунне 2 июня, 2020 13:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<