Парсь сюдыны — чокол йырсиен

Удмурт Дунне
By Удмурт Дунне 3 июня, 2020 16:18
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Милям кеносамы рамкаосын интыямын трос гинэ туспуктэмъёс. Соосты озьы ошылӥз вал ӵужанае Ольга Григорьевна Кузнецова.

Кизнер ёросысь Синяр-Бӧдьяысь парсь сюдӥсьёс дышетӥсьлэсь «Советской Удмуртия» газет лыдӟемзэ кылзо. Туспуктэм лэсьтэмын 1960-тӥ аръёсы

Огаз туспуктэмын — Кизнер ёросысь Синяр-Бӧдья гуртысь парсь сюдӥсьёс но дышетӥсь. Та туспуктэм лэсьтэмын 1960-тӥ аръёсы. Парсь фермалэн липетэз гинэ адӟиське. Паллянысен буре сыло парсь сюдӥсьёс Татьяна Ивановна Серёгина, Мария Михайловна Кузнецова, Татьяна Фёдоровна Кузнецова, Анна Кузьмовна Кузнецова, Анна Михайловна Таганова, Евгения Фёдоровна Лощилова, Раиса Андреевна Оконникова. Шораз ик, кияз газетэн, сылэ дышетӥсь Фаина Тимофеевна Андрианова. Егит дышетӥсь Синяр-Бӧдьяе вуэм Кизнер ёросысь Вуж Мултан (Короленко) черкогуртысь. Улэм со Синяр-Бӧдьялан Танёк апай (Татьяна Тугашова) дорын патерын. Танёк апай улонысь кемалась кошкиз ни, юртэз но ӧвӧл ни.

Со вакытэ дышетӥсьёс ветло вылэм фермае, гараже, конюшняе, амбаре, ужась калыклы газет-журнал лыдӟыса. Лудэ но потало вылэм, бусыын ужасьёслы выль ивор вуттыса.

Та фотоын паллянысен 2-тӥез — мынам кенаке Мария Кузнецова (ныл дыръяз Кириллова). Нош Раиса Оконникова — мынам ӵужапае. Солэн йырсиез кыкен пуныса котыр поттэмын. Сыӵе причёскаез чокол шуо вал. Нош мукет нылъёслэн йырсизы ньылен пунэмын. Туэ ӵужапаелы Раиса Андреевналы 90 арес тырмоз ини. «Удмурт дунне» газетэз али но очкитэк лыдӟе, газетлы гожтӥсько Александр пиез но Александра кенэз.

Фотоысь 7 нылкышноос пӧлысь 3-ез гинэ улэп на: Анна Таганова, Евгения Лощилова но Раиса Оконникова.

Туспуктэмысь газетэз лупаен ик учки но адӟи, заголовоказ «Леонид Ильич Брежнев» гожтэмын шуыса.

________

Вера КУЗНЕЦОВА.

Кизнер ёросысь
Синяр-Бӧдья гурт

Удмурт Дунне
By Удмурт Дунне 3 июня, 2020 16:18 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<