Мае яратэ тӧдьыбубыли?

Удмурт Дунне
By Удмурт Дунне 17 июня, 2020 15:29

Бакчаме векчи тӧдьыбубыли (белокрылка) одолиз. Номырин быдтэме уг луы ни. Оло, тӥ визь-кенеш сётоды?

Р. Корепанова. Алнаш ёрос

Зэмзэ но, векчи тӧдьыбубылиосты быдтыны капчи ӧвӧл. Одӥгез ик толэзь ӵоже ог 250 пуз поттэ. Пузъёсысь 40 нуналскын пинал бубылиос кылдо ни. Уката трос луо июль-август толэзьёсы — соку куазь пӧсь возиське. Кезьыт вуэмен бубылиос быро ке но, пузъёссы толлы музъеме кылё. Пузъёс но, бубылиос но будосъёсты изъянто.

Бубылиослэсь пузъёссэс синйылтыны туж шуг. Ӵемысь соосты быдтыны вормо на химия суретъёс гинэ. Пӧртэм суретъёс вузасько магазинъёсын. Соос будосъёсты ог 4-8 арнялы утьыны быгато. Зэм, химиез кутыны уг яра сяськаян, емышъёс быгыльскон вакытэ. Угось арам вайись кибыосын ӵош быдтыны луоз мушъёсты, дурынчиосты но садлы пайдаё луись мукет нымы-
кибыосты.

Куд-огез белокрылкаослы пумит ловушка пуктыло. Соос вузасько магазинъёсын. Но луэ лэсьтыны асьтэлы но.

Тунсыко: тӧдьы векчи бубылиос ярато ӵуж но чагыр буёлъёсты. Соин ик, ловушка лэсьтыкуды, тае лыдэ басьтэ. Картонэз яке пластикез вандылэ, бубылиослэн яратоно буёлэнызы шобыртэ но чечыен, вазелинэн яке энтомологической клеен зыралэ.

Тӧдьыбубылиослы пумит суретъёс:

l 9 литр вуэ 1 бадӟым пуньы нашатырь спирт ватсано;

l 10 литр вуэ 5 бадӟым пуньы уксус эссенция ватсано;

l 10 литр вуын
5 грамм марганцовкаез суралтоно;

l 1 литр вуэ вуштон пыр поттэм 200 грамм чеснок ватсано, ог арня ӵоже пеймыт интыын пукетоно. Пазян азьын 10 литр вуэн
кизертоно.

Удмурт Дунне
By Удмурт Дунне 17 июня, 2020 15:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<