Куара сёто, сюрес вылэ потатэк

Удмурт Дунне
By Удмурт Дунне 29 июня, 2020 11:28
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Татьяна Трифонова Пичи Пурга ёросысь Ыбдэсын
куара сётон пумысен заявление сётӥз.
Туспуктӥз Татьяна КОНЮХОВА

Куара сётон нуналъ­ёсы палэнэ кошкисьёс, озьы ик прописказыя улӥсьтэмъёс 21-тӥ июнёзь бырйыны быгатӥзы, кыӵе участокын куара сётозы.

Та пумысен куриськон гож­тӥз Пичи Пурга ёросысь Ыбдэс гуртын улӥсь нылкышно Татьяна Трифонова. Ог 5 ар талэсь азьло, Ижысь квартиразэ нылызлы кельтыса, со кузпалыныз ӵош вордскем гуртаз, Ыбдэсэ, берытскиз, атаезлэн юртаз улэ.

— Пенсие потыса, гуртэ бертэм потӥз, нош пропискае Иже ик кылиз, — шуэ Таняпай. — Та вакытэ уж трос, вылаз ик, внукъёсы каникулъёсазы дорам вуизы, юри куара сётон понна гинэ Иже мынэме ӧз поты. Быръёнэ но пыриськытэк кылем уг поты кадь. Ижын калык трос, коронавируслэсь но кышкано. Та учырын мар кароно ай шуыса, вазиськи участковой комиссие. Улон интыя куара сётон сярысь заявление гожтыны косӥзы. Озьы, пе, городысь участокысь нимтулы ӵушемын луоз, Ыбдэсын куара
сётӥсьёслэн списоказы, пе, пыртозы. Сюрес вылэ таре потанэз уз лу.

Т. Трифонова почтальонын тырше. Ыбдэс, Чокал, Арлан гуртъёсы газет-журнал вуттэ, арлыдоослы пенсизэс люкылэ. Солы юрттӥське Василий Кузьмич кузпалыз: машинаен нуэ но, вае но. Эсьмаса, министрез кадь нуллэ монэ, дото шулдыр ужаськом, серекъя Татьяна Михайловна. Быръёнъёсы но, пе, ӵошен мыном.

________

Елена ТУГАШОВА

Удмурт Дунне
By Удмурт Дунне 29 июня, 2020 11:28
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<