Куара сётонэз эскеро наблюдательёс

Удмурт Дунне
By Удмурт Дунне 29 июня, 2020 08:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Наблюдатель луыны мылкыд карисьёс туэ трос вал, — вераз Общественной палаталэн тӧроез Рашид Хуснутдинов.
Туспуктэм: udmurt.ru

Куара сётонлэсь ортчемзэ котьку но чаклало общественной наблюдательёс. Вань мылкыд карисьёс быгато ас вылазы со ужез мертаны. Наблюдательёсты котыраз люка Удмуртиысь Общественной палата.

25-тӥ июньысен котькуд участокын 3 наблюдатель ужа, 1-тӥ июле соос отын 5 кузя луозы.

— Наблюдатель луыны мылкыд карисьёс туэ трос вал, — вераз Общественной палаталэн тӧроез Рашид Хуснутдинов, — милям резерв но кылдӥз, кыӵе ке муген одӥгъёсызлэн участоке потэмзы ӧз ке луы, соосты мукетъёсыз воштозы.

Общественной палаталэн офисэз Удмурт кун университетлэн библиотекаяз ужа. Татчы, наблюдательёс сяна, куара сётӥсь муртъёс но юанъёсынызы вазиськыны быгато 8 800 301 7 444 телефон номеръя.

— Ӵемгес пересьёс жингыръяло, — вераз Общественной палаталэн тӧроезлэн юрттӥсез Анна Корнева. — Юало, кытын но ку куара сётыны яра, коркась потатэк голосовать карыны луонлык вань-а. Тодэмзы потэ, кыӵе дыре ужало участокъёс, вань-а отын антисептикъёс, маскаос…

Та телефонэ жингыртыса ик, луэ пӧртэм нарушениос сярысь ивортыны. Пӧяськисьёслэсь утиськон понна операторъёс вазиськисьлэсь нимзэ, фамилизэ гожто, кытысь ке кинлэсь ке кылэм супыльтонъёслы уг оско, жингыртӥсь мурт ачиз кулэ вераны, кыӵе югдуре шедьылӥз, мае адӟиз. Та дырозь нарушениос ӧй вал на.

Общественной наблюдательёсын ӵош та нуналъёсы волонтёръёс но ужалоз. Быдэс Россиын «Волонтёры Конституции» отряд ужа. Асьме дорын соин кивалтэ Степан Чирков.

— 800-лэсь трос адямиос мылкыд кариз волонтёр луыны, соос полысь 350-ез — Ижкарын улӥсьёс, — вераз Степан Чирков. — Быдэс элькунамы 40 информационной точкаос кылдытэмын, соос котькуд ёросын вань. Волонтёръёс калыклы рос-прос валэкто, кызьы куара сётоно.

Пӧсь телефон но Общественной палаталэн офисэз 8 часысен 20 часозь ужалоз 2-тӥ июлёзь, куара сётонлэсь йылпумъянъёссэ шараятозь.

Мария Емельянова

Удмурт Дунне
By Удмурт Дунне 29 июня, 2020 08:22