Конституцие воштонъёс пыртон понна куаразэ сётӥз Удмуртилэн Тӧроез Александр Бречалов

Удмурт Дунне
By Удмурт Дунне 26 июня, 2020 11:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Толон, 25-тӥ июне, кутскизы Конституцие воштонъёс пыртон ласянь быръёнъёс. Ужаны кутскизы быръёнъёсъя участокъёс. Ижысь Т. Барамзина урамысь 16 номеро школае интыяськем 22 номеро участокын куаразэ сётӥз Удмуртилэн Тӧроез Александр Бречалов.

Удмуртилэн Тӧроез Александр Бречалов: ӟеч улон понна дурбасьтӥсь адями быръёнъёсы одно ик пыриськыны кулэ.

Школалэн спортзалаз интыяськем участоке пырыку, лыдэ басьтӥсько коронавируслэсь утиськонъя вань куронъёс. Пырон ӧс азе ик вӧлдэмын через быдтӥсь суретэн выж лёгет. Котькуд пырисьлы нырысь ик маска сёто, термометрен температуразэ эскеро, киоссэ антиспетикен пазям бере, перчаткиос сёто, соосты пӧзьыям бере — одноразовой ручка. Школалэн спортзалаз вӧл-вӧл, лыктэмъёс куспысь дистанция 2 метрлэсь ичи ӧвӧл. Александр Бречалов но куаразэ сётэмлэсь азьвыл вань та куронъёс пыр ортчиз.

— Валтӥсь интыын — избирательёсты черлэсь утён, — пусйиз Тӧро. — Участокъёс ужало, Роспотребнадзорлэсь вань куронъёссэ лыдэ басьтыса. Куронъёсты чакламзэс син шорам возисько. Тазьы шуысал: магазинын я общественной транспортын сярысь, участокъёсын чер шедьтыны кышкытлык шӧдскымон пичигес. Меӵак вераны быгатӥсько: куара сётыны кышкыт ӧвӧл!

Конституцие пыртыны ӵектэм воштонъёс сярысь Тӧро шуиз: соос пӧлысь уноез улонамы пыӵало ни нацпроектъёс пыр. Кылсярысь, тазалыкен утёнэн, демографиен, дышетон удысэн герӟаськемъёсыз. Нацпроектъёсты пыӵатонлы шаермылы федерал бюджетысь шӧдскымон юрттэт вуэ — 11 миллиард манетлэсь ятыр.

— Басьтом тани «Демография» нацпроектэз. Со улсын нылпиосын семьяослы, трос пинал вордӥсь анай-атайёслы юрттэт висъяське. Тазалыкез утён но ӟеч пала воштӥське — калыклы юрттэт сётон паськыта. Со сяна, бадӟым саклык висъяськыны кутскиз ужась адямиез утёнлы, солы ужаны ӟеч луонлыкъёс кылдытыны, уждунзэ ӝутыны. Али ваньмыз лэсьтӥське калык понна. Нош 27 ар талэсь азьло, Конституциез юнматыку, кунмы туж начар улӥз, ужась калык уждунтэк пукиз, мӧйыос — пенситэк. Соин ик, малпасько, ӟеч улон понна дурбасьтӥсь адями быръёнъёсы одно ик пыриськыны кулэ. Туннэ асьмелэн вань луонлыкмы странамылэсь ӵуказе нуналзэ бырйыны, улонмес ӟеч пала воштыны.

Конституцие воштонъёсъя куара сётон сяна, Ижысь но Воткаысь участокъёсын радъяське «Город трудовой доблести» ним понна нюръяськон. Та ужрад ортче Россиысь 20-лэсь ятыр городъёсын, нош быръёзы 10-зэ гинэ. Пӧлазы шедьыны быгатоз Ижевск но. 22 номеро участокын Тӧро шоркармы понна куаразэ сётӥз. Шуиз: таӵе нимен пусйыны луэ быдэс шаермес, вань калыкмы тыршиз Быдӟым Вормонэз дурон понна.

Тӧро Александр Бречалов ватсаз на: участоке лыктыны быгатӥсьтэмъёс доры — мугез тазалыкенызы герӟаськемын ӧз луы ке но — комиссилэн ёзчиосыз асьсэос вуозы. Та сярысь огъя кун портал пыр гинэ ивортоно — 1-тӥ июлёзь 17 часозь. Со понна кулэ уз луэ адямилэсь, шуом, висёнзэ возьматӥсь яке мукет справкаос.

Елена Тугашова

Удмурт Дунне
By Удмурт Дунне 26 июня, 2020 11:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<