Койык, италмас, машина… Кызьы ортчоз Городлэн нуналыз?

Удмурт Дунне
By Удмурт Дунне 11 июня, 2020 11:34
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

12-тӥ июне шоркар пусъёз 260 ар тырмонзэ. Огдышем сямъя ужрадъёс 3 нунал ӵоже кыстӥськозы. Но коронавирусэн сэрен шулдыръяськонъёсы трос калык уз люкаськылы.

10-тӥ июне — Азбарлэн нуналыз

Тросэз ужрадъёс ортчозы балконъёсын — вань мылкыд карисьёс отчы потозы кырӟаны-эктыны, аэробикаен вырыны — адямиос асьсэос чаклалозы, мар соослы кельше. Со сяна, радъяськозы азбаръёсысь туспуктэмъёсын адӟытонъёс.

11-тӥ июне — Ёрослэн нуналыз

Городысь ёросъёсын ортчозы утялтӥськон ужрадъёс. Отчы вань мылкыд карисьёс пыриськыны быгатозы. Одно чаклано луоз коронавируслы пумит куронъёсты: кусып 1 но ӝыны метр мед луоз, маска, перчатки дӥсяно.

12-тӥ июне — Городлэн нуналыз

«Ижысь лосьёс» арт-проектлы луыса шоркарысь пӧртэм интыосын 50 койыкъёс пуктэмын луозы. Художникъёс соосты дасялозы кортлэсь, пулэсь но мукет материалъёслэсь. Бадӟым койык кылдоз Иж тымет дурын но. Отысь бамалысь турын вылэ сое газонокосилкаен «суредалоз» Семён Бухарин.

Шоркарысь куд-ог коркаос вылэ егит художникъёс Удмуртилэн историезлы, соин герӟаськем мифъёслы, легендаослы сӥзем граффити суредалозы. Суредъёсазы, кылсярысь, сюрозы Ижысь крокодил, италмас сяська, спортысь тодмо адямиос но мукетъёсыз.

Ижысь урамъёстӥ, 10 часысен кутскыса, ортчоз «Триколор единства» автопробег. Отчы пыриськыны ӧтё тӧдьы, лыз яке горд машинаен ворттылӥсьёсты.

1 номеро трамвай но 7 номеро троллейбус городын улӥсьёсты вуттозы вашкала Иже. Соосты тодманы луоз аспӧртэм туссыя. Кондукторъёс тунсыко мадёнъёсын паймытозы. Кинлы ке Шувалов графен но ӵош ворттылыны удалтоз.

Быдэс семьяен пыриськыны луоз великен ворттылонъя «Ижевск рулит!» вожвылъяськонэ. 2,6 иськемлэсь ятыр сюресэз бырйыны луоз мылкыд каремъя 6-тӥ июньысен 12-тӥ июнёзь. Собере кудкузьда сюресэз ортчемды сярысь гожтоно но «ВКонтакте» вотэс баме #Ижевску260лет, #ИжевскРу­лит2020 хештегъёсын пуктоно.

«Пыраклы Россиен» монумент, Правительстволэн, К. Герд нимо Национальной музейлэн но УдГУ-лэн Мувӧй кысконъя но газъя институтэзлэн юртъёссы 22 часысен кисьтаськозы Россилэн куншетэзлэн — тӧдьы, лыз, горд — буёлъёсыныз.

Правительстволэн юртэз бордын ӝыт возьматозы нылпиослэсь суредъёссэс — соос сӥземын коронавирусэн нюръяськись эмъясьёслы.

________

Элина КУМАЧЁВА

Удмурт Дунне
By Удмурт Дунне 11 июня, 2020 11:34
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<