Кизнер но Грак вискысь сюреслэсь оглюкетъёссэ выльдо

Удмурт Дунне
By Удмурт Дунне 10 июня, 2020 15:16
Туспуктэм Udmurt.ru

Выльдыны кутскизы Кизнер но Грак вискысь сюреслэсь 2 люкетъёссэ. “Кышкыт луисьтэм но ӟеч сюресъёс” программа улсын волятэмын луоз ог 9 иськем.  

Кизнер-Грак сюрес вылын резь-куаж вазе. Грак палась сюреслэн вуж вылыз вандыса куштэмын ни. Али отчы 2 полэс асфальт кисьто, бӧрысь дурзэ тупатъялозы, асфальт пыры но щебень кисьтозы.

Вуоно арняе дорожникъёс басьтӥськозы сюреслэн Кизнер палась, Бемыж гурт вадьсысь, люкетэз борды. Татын озьы ик 2 полэс асфальт вӧлдэмын, сюрес дур юнматэмын луозы. Со сяна, пуктыны чакламын на 2 остановка. 

— Та сюрес огазея 3 ёросъёслэсь центръёссэ — Алнашез, Гракез но Кизнерез. Солэн тэшкам интыосыз кемалась выльдэмез возьмало ни вал, — вера Удмуртиысь Правительстволэн Тӧроез Ярослав Семенов. — Со сяна, али тупатъяло на Алнаш-Грак вискысь сюреслэсь 2 люкетъёссэ. Огъя вераса, туэ “Кышкыт луисьтэм но ӟеч сюресъёс” программа улсын ёросъёсысь сюресъёслэн 19 люкетъёссы выльдӥськозы. 

Та нуналлы Ижын но дорожникъёс ӵын поттыса ужало, 14 интыосысь сюресъёсты тупатъяло. Тужгес трос сюресъёс выльдӥсько Ленин ёросын. Со Шаберды трактлэн, Парашютная, Западная, Загородная, Степная, Телегин, Оружейник (пыӵал лэсьтӥсь) Драгунов, Кузебай Герд ульчаослэн люкетъёссы. 

Сергей Захаров

Удмурт Дунне
By Удмурт Дунне 10 июня, 2020 15:16
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<