Кизилиос верало: 29-тӥ инвожое — 5-тӥ пӧсьтолэзе

Удмурт Дунне
By Удмурт Дунне 29 июня, 2020 17:11
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Така.

Арня кутсконын ик сак кариськоно, чакласькыса ужано. Эшъёс­ты­лэсь эн висъяське, эн дыртэ. Отӥяз ваньмыз радъяськоз, йырады выль малпанъёс кылдозы, соосты капчиен быдэстоды. Сюрес вылэ потондэс мукет арнялы выжтэ.

Ош.

Арняды шулдыр мылкыдын кутскоз, вылаз ик, эшъёсты ӟеч иворъёсын шумпоттозы. Уксёдэс дасялэ: малпамтэ шорысь куное яке шулдыръяськонэ ӧтёзы. Выль ужъёс борды эн кутске, азьвыл мытэмъёссэ йылпумъялэ, чидасьгес луэ. Тыршемдылэн емышез шӧ­дӥсь­коз, 2-3 арня ортчыса.

Кыктоос.

Улонады бадӟым воштӥськонъёс ортчозы. Чеберъяськон сямдэс пыдло ватэ, зэмлык понна нюръяське. Маке борды бась­тӥсь­киды ке, сое пумозяз быдэстэ. Мылкыддэс куаш­ка­тӥсь­ёс луозы — эн кер­ӟегъясь­ке, номыр шоры учкытэк, азьлань вамыштэ. Матысь адямиостылы юрттӥське, куное ветлэ.

Кисло-кусло.

Ялан калыклэсь кылзӥсь­кись­ко­ды, кытчы ысто, отчы вамыш­тӥсь­ко­ды. Дыр вуэмын ас малпанъёстэс улонэ пыӵатыны, дӥсь­тӥсь кариськыны, верам кылдылы кузё луыны. Шуг-секытъёс пумиськозы, ужаны быгатонлыкъёстэс эскерисьёс шедёзы. Арня пумын ватсаса уждун басьтоды.

Лев.

Огдышем сямъя улӥсь­коды, ужан амалъёс­тэс воштэмды уг поты. Улонлэсь бере кылёнтэм вылысь тодон-валанъёстэс будэтоно. Шуг-секытъёсын пумиськоды. Ужъёсты пӧрмымтэысь, мылкыддэс эн куашкатэ, одӥгез ӧз пӧр­мы ке, мукетыз борды бась­тӥсь­ке. Одӥг интыяды эн копаське, азьлане учке.

Нылмурт.

Ваньмыз умой ке но, эн вунэтэ коньдондэс лыдъяны. Мултэс басьяськонлэсь возиське, ват­саса уждун поттон сярысь малпаське. Чаклаське, вань эшъёстылы сюлэмдэс усьтыны эн дыртэ. Матысь эшъёсты пӧ­лын гинэ но тӥ чотын узырмыны вырисьёс вань.

Весъёс.

Дыртытэк ва­мыш­тӥды ке, котькытчы вуоды. Муртъёслэсь верамзэс эн кылзэ, асьтэ сюлэмдылы оскиське, саклыктэс эн ыштэ. Ужъёсты трос, малпамтэ шорысь куд-ог малпанъёсты куаш­калозы. Эн ӝожоме — ӝоггес вылез борды басьтӥське. Ваньмон дыръяды тазалыктэс эскере.

Скорпион.

Берло арняосын ӵошатыса, таиз устоез луыны кулэ. Арня кутсконы­сен ик ваньмыз вӧй вылтӥ кадь радъяськоз. Ваньмон дыръяды вӧзысьтыды эшъёстылы юрт­тӥсь­ке, нылпиостылы визь-кенеш сётэ. Семья куспады валамтэос кылдӥзы ке но, эн керетэ, тазалыкты гинэ ляб­ӟоз.

Ыбылӥськись.

Ужды уз пегӟы, тросгес саклык висъялэ ӵыжы-вы­жы­остылы. Куное ветлэ, тазалыксэс эскере, бӧ­рысь ӧпкелёно медаз луы. Солань-талань ветлыса, трос дырдэс но кужымдэс быдтоды. Арня пумын шутэтскон нунал басьтэ, бакчаяды бугыръяське, нылпиостэс ческыт пӧрась­ке­мен куноятэ.

Сюро кеч.

Ялан нюръясь­кись­коды зэмлык понна, нош тыршемдэс дунъясез уз луы. Коньдонэн гер­ӟась­кем ужъёстэс умой пала вош­тэмды потэ, нош луонлыкты ӧвӧл. Арня шорысен капчигес шокчы­ны быгатоды. Уж ӵек­тӥсь­ёс шедёзы, асьтэлэн кужымдылы уд оскиське ке, со борды эн бась­тӥсь­ке.

Ву кисьтась.

Ма борды бась­тӥсь­коды, ваньзэ ӝог но капчиен быдэстоды. Мылкыдды дурыныз пӧ­зе, ужады выль амалъёсты пы­ӵа­то­ды. Ужъёсты укыр трос люкаськизы ке, эшъёс­тылы, юрттэт курыса, вазиське. Арня шорын командировкае поталоды но трос тунсыкозэ тододы.

Чорыгъёс.

Конь­донэн гер­ӟаськем ужъёсты радъяськозы но, трос­гес барыш поттыны кутскоды. Озьы ке но шумпотон мылкыддэс дырызлэсь вазь калык пӧлы поттыны эн дыртэ: вӧзады трос вожъяськисьёс, эшъёсты куспын керетон потыны быгатоз.

Удмурт Дунне
By Удмурт Дунне 29 июня, 2020 17:11
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<