Кез ёросын оже ветлэмъёс 2 кузя гинэ на кылемын

Удмурт Дунне
By Удмурт Дунне 3 июня, 2020 16:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Кез ёросын оже ветлэмъёс 2 кузя гинэ на кылемын: Борис Иванович Русских но Пантелей Петрович Лекомцев.

Кезысь Лекомцев кузпалъёс ӵош уло ни 69 ар ӵоже.
Туспуктэм Иван Богдановлэн «ВКонтакте» бамысьтыз

Каргуртысь культурая юртын ужасьёс та ветеранъёс доры 9-тӥ Мае зэмос концертэн вуылӥзы: военной формаен дӥсяськыса, киязы арган кутыса. Ветеранъёслэн капка азязы султыса, соос быдэстӥзы Быдӟым Вормонлы сӥзем кырӟанъёсты.

Пантелей Лекомцев вордскемын 1925-тӥ арын 19-тӥ июле Кез ёросысь Спира гуртын. Быдӟым ож кутскем бере сое басьтӥзы Ижевск — Балезино чугун сюрес лэсьтонэ. Нош 1943-тӥ арын январе Пантелей Петрович армие кошкиз.

Ож йылпумъяськем бере Пантелей Петрович Япониен ожмаськиз. Япониен кунгожез чаклано луиз на 7 но ӝыны ар. 1951-тӥ арын П. Лекомцев берытскиз вордскем Спира гуртаз. Быдэс улонзэ тыршиз колхозын, пӧртэм ужъёсты быдэсъяз.

Кузпалъяськемез бере Панти агай семьяеныз улыны выжиз Кез каргуртэ. Алевтина Аркадиевнаен Пантелей Петровичен валче уло ни 69 ар ӵоже. Войнаысь оломае но адӟыса, улонэз, матысь адямиостэ дунъяны дышиськод, шуэ П. Лекомцев.

Лекомцев кузпалъёс будэтӥзы 2 нылпи. Пизы атаезлэсь адӟем кариз вал: улонзэ сӥзиз военной службалы. Но жаляса верано, шудтэм учырын бырыны шедиз. Нош Лидия нылзы улэ Кезын.

________

Елена ТУГАШОВА

Удмурт Дунне
By Удмурт Дунне 3 июня, 2020 16:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<