Кез ёросысь Камӝоез утё тушо вӧсясьёс

Удмурт Дунне
By Удмурт Дунне 3 июня, 2020 16:35
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кез ёросысь Камӝо гуртлэн шораз кылдӥзы пулэсь лэсьтэм скульптураос. Озьы гуртсэ чебергес карыны выре суредаськись Валерий Савин.

— Сюлэмы шӧдэ: арысь-аре пичи гуртме золгес яратыны кутскисько, — вера Валерий Савин. — 2017тӥ арын 12-тӥ инвожое гуртмылэсь нуналзэ пусйим. Со вакытэ утялтӥмы ошмес котырез, выльдӥмы гуртмылэсь шорзэ. Калык но сайказ кадь. Соку син азям пуксизы пулэсь лэсьтэм арт-объектъёс. Киос ужаны ӧдъязы, гурт калык, ёросысьтымы культурая управление юрттӥськизы. Уго суредась кисточкаосын но мольбертэн гинэ ужа, нош татын болгарка но, пила но, шуруповёрт но, лак, пропитка но мукет арбериос юн кулэ луизы.

Камӝо гуртын Валерийлы луыса суредаськисьёслэн уно ужрадъёссы, симпозиумъёссы ортчылӥзы ни. Татын но, пе, гурт калык юрттӥське. Тужгес но — песянайёс, соос гурт шоры сяська мертто, котырез чылкыт возё. Егитьёс но пумит уг карисько. Кин буяське, кин вандылӥське, кин турнаське.

— Камӝоетӥ ортчисько ке, сюлэм ортчыт шумпотэ, — вера Валерий Савин. — Гурт шорамы сыло ни пулэсь койык, кечтака, тушо вӧ сясьёс, арт-юбоос. Кулэ на лэсьтыны выль шӧмо арт-объектъёс. Туэ но, вуоно гужемлы но малпанъёсы вань ни. Самоизоляция гинэ кема медаз кыстӥськы. Остэ! __

Мария ВЕКШИНА

Удмурт Дунне
By Удмурт Дунне 3 июня, 2020 16:35
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<