Ижкар нюръяське «Город трудовой доблести» ним понна

Удмурт Дунне
By Удмурт Дунне 18 июня, 2020 14:50
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кунысьтымы 20-лэсь ятыр городъёс нюръяськозы «Город трудовой доблести» ним понна. Пӧлазы шедемын Ижевск но.

Ижевск нырысетӥосыз пӧ­лын та дано нимез басьтыны быгатоз. Угось шоркармы, соин ӵош быдэс шаермы трос кужымзэ сётӥз вормон понна. Удмуртие война дыръя выж­тэмын вал Совето Союзысь 49 предприятиос, военной тӥр­лык поттӥсьёсыз интыяськизы Иже. Ож лудэ келямын вал 12 миллионлэсь ятыр пыӵал тӥрлык. Калыкмы уен-нуналэн ужаз: заводъёсмы сутка ӵоже лэсьтылӥзы одӥг стрелковой но авиационной дивизиослы ожмаськыны тырмымон ож тӥрлык. Со вакытэ заводъёсамы тыршем 2 сюрслэсь ятыр адями пусъемын орденъёсын но медальёсын. Туж секыт аръёсы лэсьтэмын Ижысен Балезиноозь 146 иськемъем чугун сюрес — ӵапак со пыр келяллязы фронтлы кулэ луись ож тӥрлыкез. Со сяна, война вакытэ Ижын ужазы 20 эвакогоспитальёс, отын пыд вылазы султытэм-эмъям солдатъёс выльысь берытскылӥзы ож лудэ. Ижын, шаерамы улӥсьёслэн подвигзы быдэс кунмылы данъяськымон. Озьыен, шоркармы туж тупа «Город трудовой доблести» нимын пусйыны.

Ортчоз-а шоркармы куа­ра сётон пыр — таиз потоз асьме бордысь. Куара сётон мытэмын ни, та дырлы дурбасьтэмзэ вераз 100 сюрслэсь ятыр адями. Куара сётон радъяськоз быръёнъёсъя участокъёсын но — 25-тӥ июньысен 1-тӥ июлёзь. Озьы ик Интернет пыр но za.izh.ru адресъя. Куара сётонэ пыриськыны быгато ваньмыз. Вожвылъяськонэ пыриськись городъёс пӧлын Нижний Новгород, Самара, Саратов, Нижний Тагил, Казань, Барнаул но уно мукетъёсыз. «Город трудовой доблести» дано нимын пусъем городъёсы пуктыны чакламын нимысьтыз стелаос.

Тодады вайытон вылысь: туэ 1-тӥ мартэ Россилэн Президентэз В. Путин юнматӥз «Город трудовой доблести» нимен пусъён сярысь федерал законэз. Та дано нимез нуллозы сыӵе городъёс, кудъёсыз 1941-тӥ-1945-тӥ аръёсы геройлыко пыриськизы Быдӟым Вормонэз дуронэ.

Сергей Захаров

Удмурт Дунне
By Удмурт Дунне 18 июня, 2020 14:50
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<