Ижез данъяса, ужась муртэз данъяськом

Удмурт Дунне
By Удмурт Дунне 26 июня, 2020 10:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Вормонэз дуронэ геройлыко пыриськем городъёсты «Город трудовой доблести» нимен пусъён сярысь федерал закон потэм бере ик Ижын подписьёс люканы ӧдъязы, шоркармы но та дано нимез мед басьтоз шуыса.

Тодмо конструктор В. Ярыгин:
Ижез данъяса, ужась муртэз данъяськом.

Куара сётыны ӵектэ Россиысь дано конструктор, Ижысь механикая заводысь валтӥсь инженер, Ижкарлэн дано кунмуртэз Владимир Ярыгин:

— Ижкар кылдэм дырысеныз ик пыӵал тӥрлык поттӥсь, дормылэсь обороназэ юнматӥсь город луэ. Быдӟым ож дыръя, секыт вакытэ, производство будӥз — Ижкаре научной институтъёсты, промышленной предприятиосты выжтӥзы. Фронтэ кошкем воргоронъёс интые станокъёс сьӧры кышномуртъёс, быдэ вуымтэос султӥзы. Ужазы ӝог но ӟеч. Кылсярысь, 1942-тӥ арын заводэ келязы авиационной пушкалэсь документацизэ.
7 нунал ортчыса, со пушка Сталинград вадьсын немецъёсты жугиз ни. Ож дыръя асьме заводъёсы келямын вал ог 120 профессоръёс, соос вӧзын ӟеч ужасьёс будӥзы. Соин Ижын лэсьтэмын вал Калашниковлэн автоматэзлэн выль моделез — страна оскиз милемлы. Уно геройёсмы Ижысь гинэ ӧвӧл, гуртъёсысь но потэмын. Вормон нуналэз матэктытон понна Ижкар зол тыршиз, соин сое, ужысь адӟымон муртъёсты одно ик данъяно, куара сётыса.

«Ижсталь» заводысь дано ужась,
Ижкарлэн дано кунмуртэз Василий Раков.

— Заводэ мон 1971-тӥ арын вуи. Соку татын фронтовикъёс, ож вакытэ тыршем муртъёс вал ай, — вера «Ижсталь» заводысь дано ужась, Ижкарлэн дано кунмуртэз Василий Раков. — Пятиминуткаос дыръя соослэсь вераськемзэс ымме усьтыса кылзылӥ. Сыӵе йӧно, бадӟым сюлэмо, котьку юрттыны дась адямиослэсь адӟем карыны тырши. Ижез «Город трудовой доблести» нимен данъяны ӧжыт луоз ай, татысь дано муртъёсты калык мед тодоз шуыса, пиналъёслы нылпи садысен соос сярысь верано.

Али «Город трудовой доблести» ним понна нюръясько Россиысь 20-лэсь трос городъёс, нош быръёзы 10-сэ гинэ. Экспертъёс одно ик чаклалозы калыклэсь мылкыдзэ. Интернетын za.izh.ru
вотэс бамын 3 толэзь ӵоже люкамын 100 сюрслэсь уно подпись. Мылкыдэз вераны луэ, Конституцие воштонъёс пыртонъя куара сётыку но, 25-тӥ июньысен 1-тӥ июлёзь.

________

Анастасия ШУМИЛОВА

Удмурт Дунне
By Удмурт Дунне 26 июня, 2020 10:20 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<