Зинаида Рябинина: Яратон сярысь

Удмурт Дунне
By Удмурт Дунне 29 июня, 2020 13:08
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ноку но уд валатске, кыӵе яратон сярысь вераме потэ.

Ижкарын улӥсь уд­муртъ­ёсты кемалась ӧвӧл паймытӥз жаг пот­тӥсь оператор — со малпаз аслэсьтыз мусоровозъёссэ… удмуртомытыны, италмасъёс­лэсь суредам сюлэм вылэ «Яратон.
#чистопоудмуртски» гожтыса. Азбарысьтымы сыӵе машинаез адӟыса, малпай, городын сыӵе фирма кылдэм шуыса, но мон кадь паймемъёс трос люкаськемен, регоператорлэн пресс-службаез валэктӥз: со, пе, социальной реклама, удмурт кылэз вӧл­мы­ты­ны озьы юрт­тӥсь­ком… Яратон — малы ке шуоно адями, пе, улон интызэ яратыны, жуг-жагез висъяны кулэ.

Малы соку огшоры «чылкыт» шуыны уг луы? Валамонгес но, тупамонгес но кадь. Сы­ӵе ужрадмы, пе, вал ини. Огласянь, мон оскисько, кичӧлтӥсьёс зэмзэ но сюлмысь ӟеч лэсьтыны тыршизы шуыса, но ачид ке мукет шубаен ветлӥськод, шуг валаны муртлэсь ненег сюлэмзэ. Уката но куке Ижкарлэн нуналаз городысь ӟеч­кы­ланъёсы, социальной рекламае одӥг ке но удмурт кыл пыртыны вунэто ке… Иське, Шор площадьын, ульчаосын, паркъёсын удмурт кылэз вӧлмытыны уг луы, солэн интыез — жуг-жаг нуллон машина вылын?

Та юанэз «Удмурт Кенеш» огазеяськон ӝутӥз кылем арняе аслаз исполкомаз, отчы ӧтемын вал Иж город администрацилэн йырызлэн вош­тӥсез Дмитрий Чистяков. Со вераз, Городлэн нуналаз удмурт кылэз уже кутымтэ понна со янгыш шуыса но кылзэ сётӥз азьланяз мукет праздникъёс азьын ужпумез одно ик син азяз возьыны. Но ки­вал­тӥсь­ёс вошъясько, синъёс пӧртэм сямен ад­ӟо. Соку, оло, нимысьтыз постановление кутоно? Вань, пе. Шӧдэм потэ. Яратэм. Жагез гинэ уг, анай кылмес но.

________

Зинаида РЯБИНИНА,

валтӥсь редактор

Удмурт Дунне
By Удмурт Дунне 29 июня, 2020 13:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<