Гуртоос муниципал кылдытэтъёсазы дасям проектъёслы куаразэс сётозы

Удмурт Дунне
By Удмурт Дунне 26 июня, 2020 14:36
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Тыметын карп но чипей будэто.

Конституцие ӵектэм воштонъёс пумысен сяна, гуртоос куаразэс сётозы муниципал кылдытэтъёсазы дасям проектъёслы. Якшур-Бӧдья ёросысь Мукши муниципал кылдытэтын улӥсьёс Мукшиысь ӵыпетсэс тупатыны дасясько.

Муниципал кылдытэтэн ки­вал­тӥсь Анатолий Брюхачев верамъя, ӵыпетын 1990-тӥ аръёсы пыласькон инты вылэм ай, гужем лагере ветлӥсь нылпиос отын жомбылляськылӥллям. Аръёс ортчемъя ӵыпетысь ву лазегомем, плотинаез но вужмем. Гурт калык куремъя туэ ӵы­петэз лэсьтон борды бась­тӥсь­кыны малпазы.

— Калыклэсь куронзэ санэ басьтыса, Мукши гуртысь ӵыпетэз тупатон но со котырез шулдыртон сярысь проект гожтӥмы, — шуэ Анатолий Степанович. — Сое гожтыны юрттӥз дышетӥсь Павел Галиаскаров. Грант утӥмы, ужъёсты быдэстонлы 1 миллион 450 сюрс манет висъяськоз, гурт калык но юрттӥз — 153 сюрс манет люказ. 25-тӥ июне тодмо луоз, кин та уж борды басьтӥськоз.

Та вакытэ ӵыпетысь ву лэземын, сое куасьто. 3 гектар музъемысь 40 сантиметр ӝужда сюйзэ утялтоно луоз. Лэсьтыны малпамын нимысьтыз пыласькон инты, со вадесэ 4 машина песок вайыны чаклало. Со сяна, шур вамен пыдын ветлон выж, кузьдалаез 90 метр, лэсьтыны кулэ на. Гуртысь кивалтӥсь оске, малпам ужъёссы туэ ик быдэсмозы шуыса.

Гожтэм проектсы ӵыпетэн герӟаськемын ке но, плотинаез тупатъян отчы уг пыры. Гумызэ воштыны соглаш кариськизы мувӧй поттӥсьёс, бадӟым трубаос шур дуре вуттэмын ни. Нош кылем ужъёсты лэсьтон вылысь гуртоос «Определяем будущее вместе» элькун проектъя куара люкалозы. Гуртоос усто кичӧлтонъёсты быръёзы Конституция понна куара сётонэн огдыре.

________

Валентина ЕМЕЛЬЯНОВА

Удмурт Дунне
By Удмурт Дунне 26 июня, 2020 14:36 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<