Грак ёросысь Пуклё гуртысь Маргарита Соколова 76 ар кырӟа

Удмурт Дунне
By Удмурт Дунне 1 июня, 2020 13:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Грак ёросысь Пуклё гуртысь 76 аресъем Маргарита Леонтьевна Соколовалэн улон шыкысэз узыр. 6 нылпи будэтӥз, али песянайзылэсь мылкыдзэ бурдъяло уно внукъёсыз но правнукъёсыз. Кышномурт дыдыоссэ маин шумпоттыны котьку тодэ — ческыт пыжиськемзэ ушъяло быдэс гуртын.

Грак ёросысь Пуклёысь М. Соколова клубын ортчылӥсь ужрадъёсты уг кельтылы.
Туспуктӥз Максим ЕГОРОВ

Маргарита Леонтьевна кадь мыло-кыдо адямиос вылын возисько гуртъёс, шуо калыкын. Трос секытэз ортчыса, та кышномурт ӧз чигиськы, улонэз яратэмысь, шумпотэмысь ӧз дугды. Егит-а, арлыдо-а адями вӧзаз, котькинэн кусып тупатыны, вераськон кыл шедьтыны быгатэ, таӵе шуныт кылъёс гожтӥз гуртоез сярысь Пуклёысь дышетӥсь Любовь Долгова.

М. Соколовалэн кузпалыз улонысь вазь кошкиз, 6 нылпиоссэ кышномурт огназ будэтӥз. Улон вылэ ӧз ӝожтӥськылы. Нош улонэз яратон мылкыд пыӵаз солы кырӟанэн ӵош. Кӧня вашкала удмурт, ӟуч гуръёсты со тодэ.

Арлыдыз бадӟым ни ке но, али но Маргарита Леонтьевна тэк пуконэз уг тоды: бакча возе, пудо вордэ на. Пуклёын ортчылӥсь ужрадъёсты уг кельтылы, пыдъёсыныз шуг ветлэ ке но. Солэн ошмес кадь жильыртӥсь куараез кӧня аръёс ӵоже калыкез шулдыртэ ни, нош кыӵе ушъяло пыжиськемзэ. «Риталэн пӧраськемезлы пинь но кулэ ӧвӧл, сокем небыт но ческыт», — шуо арлыдо кенакъёс-воргоронъёс.

Маргарита Леонтьевналэн улонэз пыр колхозын ортчиз, пенсие потытозяз, скал кыскиз. Али «Родина» Грак ёросын одӥгез азинлыкоез но кужмоез хозяйство, скалъёссэс роботъёсын кыско ни. Нош М. Соколова ужан вакытэ ваньзэ киын лэсьтоно вал ай: йӧл кысконо, сиён тыроно, кыед сузяно…

— Анай 3 часын султэ вал, фермае нуналаз 3 пол ветлылӥзы, — вера огез нылыз, Пичи Пурга ёросысь Орлойын улӥсь Елена Шутова. — Вань ужез кырӟаса лэсьтылӥз, корка котырыз котьку
чылкыт, ӝӧк вылын пӧрам сиён дасямын вал, пудо сюдэмын. Весь паймылӥмы, ку меда анай ваньзэ ужаса вуттэ, ку меда изьылэ шуыса. Озьы ик ужаны, ужез гажаны милемыз но дышетӥз. Котькуд шутэтскон нуналэ анай табань пыже вал, 6 корт лист шаньги лэсьтылӥз. Галя аби, Верки аби, Оли аби… бус-
кельёсмес ӧтиськом вал, утялтӥськом, сьӧразы но лэзьыны тырмылӥз. Сыӵе куноятыны яратылӥз анаймы. Ма, холодильникез ноку но буш ӧй вал: ӝамдэ куноос лыкто ке, ӝӧк вылыз котьку ческыт сиён-юонэн тырмылӥз.

Али но Маргарита Леонтьевна нунокъёссэ ческыт пыжиськемен куноятэ. Нылпиосыз Пичи Пурга, Алнаш ёросъёсын, Татарстанын уло, туж ярато анайзы доры бертылыны.

________

Ангелина СНИГИРЁВА

Удмурт Дунне
By Удмурт Дунне 1 июня, 2020 13:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<