Выльдӥськозы Ижлэн, озьы ик 4 городъёслэн Думаоссы

Удмурт Дунне
By Удмурт Дунне 9 июня, 2020 15:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Туэ 13-тӥ сентябре, огъя куара сётон нуналэ, выльдӥськозы Ижлэн, озьы ик 4 городъёслэн Думаоссы. Быръёнъёслы дасяськонзэ мытӥз ни «Огъя Россия» партилэн Удмурт ёзэз.

25-тӥ майысен 31-тӥ маёзь радъяськиз «Огъя Россия» партилэсь город Думаосы ӵектӥськись кандидатъёссэ быръён — ортчиз праймериз. Ижын со нырысьсэ ортчиз электрон амалъя. Шоркарын улӥсьёс кельшымон кандидатъёссы понна куаразэс сётӥзы кун услугаосъя огъя портал пыр. Нош мукет городъёсын — Глазовын, Сарапулын, Можгаын но Воткаын — со ортчиз дышем сямъя: калык куаразэ сётӥз, партилэн интыосысь ёзъёсаз лыктыса, коронавируслэсь утиськон куронъёсты чакласа. Праймеризлэн ортчемез сярысь ивортӥз «Огъя Россия» партилэн Валтӥсь кенешезлэн ёзчиез, партилэн Удмурт ёзэзлэн оргкомитетэзлэн кивалтӥсез Владимир Невоструев.

— Азьвыл аръёсы праймериз дыръя ортчылӥзы кандидатэ куриськись адямиосын кенешонъёс, соос тодматылӥзы программаосынызы, пумиськылӥзы калыкен, — пусйиз со. — Коронавирусэн йырин дышем амаллэсь куш­тӥськоно луизы: кандидатэ куриськисьёс программаоссэс видео амалэн возьматӥзы. Ижын куара сётонэ пыриськиз 14 сюрс 903 адями — избирательёслэн огъя лыдзылэн со 3 процентэз. Котьку сямен ик, таяз радэ но быръёнъ­ёсы тужгес мыло-кыдо пыриськизы Индустриальной но Первомайской ёросъёсын улӥсьёс. Партилэн списокезъя ӵектӥськись адямиос пӧлысь тужгес но трос куара люказы Кун Кенешысь но Иж город Думаысь депутатъёс Фарит Губаев но Андрей Батов. Соос понна куара сётӥзы 96 процентэз избирательёс.

Ижын праймеризэ пыриськиз 96 адями. Соос пӧлысь 17-ез — Думаысь депутатъёс.


Елена Тугашова

Удмурт Дунне
By Удмурт Дунне 9 июня, 2020 15:20 Updated