Вавож ёросысь Выль Бия гуртысь егитъёс: Волейбол милем кулэ!

Удмурт Дунне
By Удмурт Дунне 2 июня, 2020 14:20

«Росмолодёжь» агентство юрттэ егитъёслы проектъёссэс улонэ пыӵатыны, солэн конкурсъёсаз мыло-кыдо пырисько бадӟым классъёсын дышетскисьёс но.

Вавож ёросысь Выль Бия школаысь 9-тӥ классысь
А. Морозова проект гожъяны дышиз.
Анастасия Морозовалэн архивысьтыз

Вавож ёросысь Выль Бия школаысь Анастасия Морозова туэ 9-тӥ классэз йылпумъя, быдэс арзэ экзаменъёслы гинэ ӧз дасяськы, гуртазы волейбольной площадка лэсьтон, гужемлы волейболъя но футболъя секциос усьтон понна проект гожтӥз, «Росмолодёжьлэсь» 70 сюрс манет тыр грант утӥз.

— Трос уж возьма: ӟезьы буяно, ӟус пуктоно, силё куян урнаос басьтоно, площадкаез дасяно, — вера Настя. — 2 ар талэсь азьло ГТО-ен вырыны инты лэсьтӥмы, со понна но грант утӥмы вал.

Настялэн анаез, Выль Бия школалэн директорез Елена Морозова, трос проектъёсты улонэ пыӵатӥз ни, туэ нылызлы но кужымзэ эскерыны дэмлаз.

— Татчыозь воксё проект ӧй гожъялля, — шуэ Настя. — Пӧртэм лагерьёсын гинэ кӧня ке дышетскы­лӥ. Мама юаз, мылкыды ӧвӧл-а шуыса, мон соглаш кариськи. Малпамы, гуртамы волейбольной площадка уг тырмы. Юалляськон ортчытӥмы, 130-лэсь трос мурт шуиз, таӵе площадка милемлы кулэ шуыса. Кутскимы проект гожтыны. Мама трос юрттӥз: ужпумъёсты кызьы гожтыны валэктӥз, янгышъёсме тупатъялляз. Папа но пыриськиз: кӧня мар сылэ, кӧня уксё кулэ луоз лыдъяз, пиос сое умойгес валало ук.

Грант материалъёс басьтыны быроз, площадкаез дышетскисьёс, дышетӥсьёс лэсьтозы, колхоз но юрттӥськоз.

— Малпаськомы вал 20 волонтёрез ужаны кутыны, но самоизоляциен йырин озьы уз пӧрмы ни, дыр, учком, мар азьланяз луоз, — ӝожтӥське Настя. — Но ми каллен уж борды басьтӥськиськомы ни,
музъемез копаса быдтӥмы. Гуртамы трос мыло-кыдо адямиос, соин ик юрттӥсьёсмы уз луэ шуыса, ум сюлмаськиське.

Настя шуэ, кыӵе ке выль проект борды басьтӥськоз на, но азьло тазэ рос-прос быдэстоно, пе.

________

Мария ЕМЕЛЬЯНОВА

Удмурт Дунне
By Удмурт Дунне 2 июня, 2020 14:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<