Юрт кутыны дышетске

Удмурт Дунне
By Удмурт Дунне 20 мая, 2020 12:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Пичи Пурга ёросысь Уча черкогуртысь 16 аресъем Данил Матвеевлы ваньзы паймо: со воргорон ужез но быдэстэ, керттӥське, чильпаське но.

Пичи Пурга ёросысь Уча черкогуртысь Д. Матвеев кускерттон пунэ.
Туспуктэм: Д. Матвеевлэн архивысьтыз

— Пичи дыръям туж яратылӥ мемеелэсь (песянай) керттӥськемзэ учкыса пукыны, — шуэ Данил Матвеев. — Сое весь ёртыса улӥ: мемей, дышеты монэ но керттӥськыны! Нырысь, пужы пуктытэк, дауртӥ, собере киы воляз, удмурт пужыен пыдвылъёс-пӧзьёс пӧрмытыны кутски. Половикъёс но, прихваткаос но, пукон вылэ шобретъёс но керттӥсько. Та киужен вырыны мыным туж кельше: йыр ӵыдэтске, сюлэм буйга. Киужез яратон выжыямы пыӵамын: Ирина Михайловна мамае кема аръёс ӵоже вуриськисьын тыршемын, ваньмон дыръяз шторкаос строчить каре.

Даниллэсь киуж борды кыстӥськонзэ бурдъяса возем Уча школаысь суредаськонъя дышетӥсез Альбина Николаева. Дышетэм сое буёлъёсты шӧдыны-валаны, пӧртэм материалъёсын ужаны. Озьы Данил аслыз выль киуж малпаз на: изолонлэсь яке фоамиранлэсь чебер сяськаос лэсьтэ. Со туж лякыт, килы сётскись материал. Нырысь сяська бурдъёс, куаръёс вандылӥськод, котькудзэ пӧсь утюг борды лякылӥськод, кулэ интыетӥз я золгес, я лябгес шымыръяськод. Собере котькуд бурдзэ мукетыз борды клеен лякылӥськод. Тазьы быдэстэм сяськаосызлэсь Данил йыртэчетъёс лэсья яке соосты кудые пуктылэ — озьы кинлэн ке вордскем нуналызлы ӟеч кузьым пӧрме. Эшшо ке сяськаослэн шоразы канфетъёс бырттылэ на. Тани 8-тӥ Мартлы тросэз эшъёсы, тодмоосы таӵе кузьым лэсьтыны куризы. Эшшо 20-лэсь ятыр нылъёслы йыртэчетъёс лэсьтӥ на, шуэ пияш.

Нош кемалась ик ӧвӧл Данил Матвеев выль киуж борды басьтӥськиз — удмурт кускерттонъёс куыны кутскиз.

— Та киужен тодматски Пичи Пурга черкогуртысь одӥгаз ательеын, — веранзэ азьланьтэ Данил. — Отын учки, кызьы лэсьтэмын кускерттон куон станок. Дорам бертӥ но сыӵе ик ачим пулэсь лэсьтӥ. Табере тодмоосы но вазисько, удмурт кускерттон куыны курыса. Вань арбериосме сюлэмысьтым лэсьтӥсько. Кускерттонъёсме, йыртэчетъёсме нуллӥсь адямилы но, малпасько, ӟеч мылкыды палаське, — вера пияш.

Кылем арын, Уча школаысь 9-тӥ классэз йылпумъяса, Данил дышетскыны пыриз Ижысь лэсьтӥськон технологиосъя училищее. Отын со пулэсь олокыӵе но арбериос лэсьтэ, пӧртэм инструментъёсын ужаны, юрт пуктыны дышетске. Гуртоосыз Данил шоры синмаськыса учко: удалтоз ни кинлы ке кузпалэн…

________

Елена НИКИТИНА

Удмурт Дунне
By Удмурт Дунне 20 мая, 2020 12:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<