Пугачёвоын 4 гектар вылын турын ӝуа

Удмурт Дунне
By Удмурт Дунне 9 мая, 2020 23:13
Пугачёво вадьсын ӵын.
Туспуктэм кутэмын Сергей Юринлэн «ВКонтакте» бамысьтыз.

Пичи Пурга ёросысь Пугачёво каргуртын турын ӝуа. Тылпу 4 гектар пала музъеме вӧлмемын. Соин сэрен кытӥ-отӥ снарядъёслэн пуштылэмзы кылӥське. 

Малы тылпу потӥз, тодмо ӧвӧл на. Но пӧсь куазен чаляк вӧлмиз. Та дырлы со коркаос дорозь ог 800 метр вуэмын ӧвӧл, снарядъёс дорозь — 300. Тылпу ог 1400 адямилы кышкытлык вае. 

Югдурез али чакласа возё. Тылпуэз серметаны ӧз луы ке,  Пугачёвоысь адямиосты пӧртэм азе интыялозы.  Талы дась ини Пичи Пурга ёросысь школаос, Юськиысь санаторий,  Ижысь «Чекерил» комплекс, «Энергетик» санаторий но «Дзержинец» лагерь. Кызьы ивортӥз Удмуртилэн Тӧроез Александр Бречалов, тросэз адямиос ас мылкыд каремзыя кошкыло ни. 

Тылпуэз кысыны юрттозы вертолётъёс. Со сяна, уже кутыны быгатозы Ил-76 самолётэз но. 

Тодады вайытом, Пугачёвоын снарядъёс пуштылӥзы инвожое 2011-тӥ арын. Со дырысен каргурт вадьсын огпол гинэ ӧз «гудыръялля» ни.

Мария Векшина

Удмурт Дунне
By Удмурт Дунне 9 мая, 2020 23:13
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<