Кызьы шаерамы ортчоз Вормон Нунал?

Удмурт Дунне
By Удмурт Дунне 8 мая, 2020 17:29
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Коронавирусэн кылдэм югдурен сэрен Вормон Нуналэз пусйёмы выль сямен — тросэз ужрадъёс ортчозы вотэсын. Тазьы Вормон Нунал ӧз ортчылы на вал. 

9 часысен 17 часозь Быдӟым ожлы сӥзем мемориалъёс дорын вахта радъяськоз. 

9 часысен 23.59 часозь “Эстафета мира” онлайн-бызьылон ортчоз. Кин пусйиськиз kalashnikov.sport вотэсбамын, бызьылозы ас понназы. Котькудӥз ӧжытсэ 3 иськем ортчыны кулэ.

10 часысен “Вормонлэн куараосыз” чузъяськозы. Шаерысьтымы городъёсын но ёрос центръёсын кылыны луоз Ож вакытысь кырӟанъёсты, бадӟым экранъёс вылысь адӟыны луоз азьвыл ортчем Парадъёсты. Озьы ик возьматозы 1945-тӥ арын ортчем Парадэз.  Вераны кулэ, Ижын акция усьтӥскоз “Вормон Нунал” кырӟанэн, нырысетӥ но куинетӥ куплетъёс быдэстэмын луозы удмурт кылын. 

10 часысен 19 часозь ветеранъёслэн азбаръёсазы концертъёс радъяськозы. 

19 часын буре ваёмы Быдӟым оже быремъёсты. Шыпыт минут. 

19.01 часын вань мылкыд карисьёс потозы балконъёсазы, усьтозы укнооссэз но быдэстозы “Вормон Нунал” кырӟанэз. 

21.15 часын “Вормонлэн тылъёсыз” ӝуатскозы. Вань мылкыд карисьёс усьтозы укнооссэз но ӝуатозы Вормонлы сӥзем тылъёс. 

Вормонлы сӥзем Парад ортчоз мукет нуналэ, коронавирусэн югдур капчиям бере, соку ик салют но лэзёзы. 

Сергей Захаров

Удмурт Дунне
By Удмурт Дунне 8 мая, 2020 17:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<