Кун Кенешысь ялан ужась комиссиослэн лыдзы кулэстэмын

Удмурт Дунне
By Удмурт Дунне 28 мая, 2020 13:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
Комиссиослэн лыдзы 8-ысь 7-е кылиз

Таӵе дэмланэн потӥз Кун Кенешлэн Тӧроез Владимир Невоструев. Депутатъёслы со тодазы вайытӥз: Удмуртилэн Тӧроез Александр Бречалов кичӧлтэмъя кун кивалтон ёзъёсын оптимизация ортчытэмын ни.

— Лыдъясько: Кун Кенеш талэсь палэнэ кыльыны кулэ ӧвӧл, — шуиз В. Невоструев. — Комиссиослэсь лыдзэс 8-ысь 7-е кельтон нырысетӥ вамыш мед луоз.

В. Невоструев огазеяны дэмлаз Кунэз радъянъя, интыысь аскивалтонъя но Кышкытлыкез утёнъя, регламентъя но Кун Кенешлэсь ужзэ радъянъя ялан ужась комиссиосты. Оптимизацилы луыса, пе, туэ ик ог 5 миллион манет шыръяськоз ни.

— Та уксёез анай луыны дасяськись нылкышноослы сётыны дэмласько, — ватсаз Кун Кенешлэн Тӧроез. — Кризисэн сэрен федерация ласянь соослы али номыр чакламын ӧвӧл, но асьмеос юрттыны кулэ.

Уртче кенешыса, депутатъёс огкылэ вуизы: 2 огазеям комиссиосты воштоз вылез — Кунэз радъянъя, интыысь аскивалтонъя но кышкытлыклэсь утиськонъя. Кин соин кивалтоз — тодмо луиз та нуналэ ик. Депутатъёс куара сётӥзы Александр Прозоров понна. Со ик Кун Кенешлэн Тӧроезлы воштӥсь но луиз. Нош Кун Кенешлэн Тӧроезлы нырысетӥ воштӥсе бырйизы Надежда Михайловаез. Со ик валтоз Тазалыкез утёнъя, демографияя но семья политикая ялан ужась комиссиез.

Таӵе воштӥськонъёс ортчытэмын, Кун Кенешлэн нырысетӥ воштӥсезлэн интыез 16-тӥ апрельысен буш улэмен. Отчыозь та ужез быдэсъяз Владимир Невоструев. Но со быръемын вал Кун Кенешлы Тӧрое.

Удмурт Дунне
By Удмурт Дунне 28 мая, 2020 13:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<