Коронавирусэн сэрен Ижлэн бюджетэз 1 миллиард манет пала ыштонъёс адӟиз ни

Удмурт Дунне
By Удмурт Дунне 4 мая, 2020 13:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Коронавирусэн сэрен шоркарлэн бюджетэз 1 миллиард манет пала ыштонъёс адӟиз ни. Та сярысь вераз Ижлэн йырыз Олег Бекмеметьев кылем арня вискын город Думалэн сессияз.

Кызьы пусйиз О. Бекмеметьев, коньдонэн шоркар ноку бусьтыр ӧз улы на. Но та вакытэ со уката уг тырмы. Мар кароно? Одӥгез амал — юрттэт курыса, вазиськоно Удмурт Республикалы. Со Ижез ноку буш ӧз кельтылы на. Кылсярысь, 2019-тӥ арын элькун бюджетысь 9 миллиард манетлэсь ятыр висъямын вал, валлян арен ӵошатыса, 952 миллион манетлы тросгес. Кыкетӥез — кышкытлыклэсь утиськон режим ялэмен валче кыӵе ке но юрттэт вуыны кулэ Россилэн казнаысьтыз. Куинетӥез — пунэмаськоно.

— Кылем арын пунэмаськемъёсмес ог 800 миллион манетлы кулэстыны быгатӥм, — пусйиз Ижлэн йырыз. — Соин ик выль кредитъёс басьтыны луонлыкмы вань. Озьы ке но та амалэз, туж секыт югдур кылдыку гинэ, кутом. Со интые азинтом оптимизациез. Кылсярысь, кылем арын город администрациысь управлениос-отделъёс 39-ысь 30 кельтэмын, специалистъёслэн лыдзы 240-лы ӧжытгес луиз. Таин валче 70 миллион манет шыръямын.

Но экономикаын югдур шоры учкытэк, проектъёс быдэсмытэк уз кыле: сюресъёс тупатӥськозы, школаос-садъёс пуктӥськозы, социальной удысысь юртъёсын тупатъян ужъёс мынозы но мукет.

— Нацпроектъёсъя чаклам ужъёсты Удмуртилэн Тӧроез Александр Бречалов быдэстыны куре ӝегатскытэк, — ватсаз Олег Бекмеметьев. — Соин ик лэсьтӥськон ужъёс кутскозы гужем, соослы торгъ­ёс али радъясько ни. Ваньмы валаськом: коронавирус куке но чигналоз.

Элина Кумачёва

Удмурт Дунне
By Удмурт Дунне 4 мая, 2020 13:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<